• 【禁忌之林】向中國道歉 向黎明道歉(林忌)
  • 2020-03-06    

 

「I I I was born in Beijing! 沒法一夜說清。」Leon陶醉地唱著。

「Leon!你為啥不說普通話?你唱甚麼英語?你身為北京人,不是要唱『鵝瀨自卑精』嗎?你歧視中國人呀?」某女士帶著重重的捲舌音問。

「???」Leon 嚇了嚇,答道:「呢首歌就係粵英夾雜呀,你新嚟㗎?」

「甚麼新來的?你歧視我新來的?你拒絕說普通話!就是歧視!我說普通話,你不會聽嗎?為啥不說?」某女士繼續堅持

我睇唔過眼,答道:「喂,呢度係香港,香港人講廣東話,佢用咩話應你,關你咩事先?」

教聯蔡X蓮大喝一聲:「大膽!廣東話不是法定語言的中國方言!」

答:「對唔住,廣東話就是香港的法定語言,係 de facto ──即係實際上的法定語言;至於咩方言,正係你哋中國對廣東話的政治打壓!」

五毛為政府辯護說:「de facto唔係de jure,即係中國隨時可以改,聽日就可以宣佈要你哋講普通話,你唔講就可以 DQ 你,吹咩?」

答:「對唔住,所以你終於承認,中文──你哋係用普通話取代廣東話?」

一位港漂助威說:「這兒是中國香港,你們是中國香港人,中國人要說中文,要寫中文字,為何你們要說鳥語?」

答:「對唔住,我寫漢字,讀漢文,當年『中國』係地理名詞;而鳥語,家下邊個歧視邊個?」

當年在港台節目大放厥詞的新移民學生說:「唐詩宋詞,要用普通話讀才能領略,用粵語讀,難聽死了!」

答:「對唔住,普通話連入音都冇,讀咩唐詩?連李白嘅《靜夜思》──床前看月光,疑是地上霜,舉頭望山月,低頭思故鄉,都被你班中國人改做《假詩三百首》,反而日本人才保留原詩,正反映你們盜版愛亂作的一貫作風。」

教育局局長楊潤雄說:「當全世界都使用普通話學習中文,香港仍保留廣教中是否合適?」

答:「對唔住,香港人用廣東話學漢文,而日本人用日文學漢文,咁日本係咪應該廢漢字?」

中國共產黨說:「做文明人,說普通話,寫規範字。」

答:「對唔住,咁你即係話我哋唔文明啦?點解你哋要壓迫我哋?點解而家深圳殖民到變講普通話?點解連公園、港鐵,都只係聽到班小朋友講普通話?點解學校老師要迫學生在課餘都講普通話?點解你要壓迫我哋?你哋係咪要滅絕廣東話?」

剛剛瞓醒嘅左膠:「有咩?冇呀,邊有人用普通話壓迫你?」

答:「對唔住,老師心聲專頁,昨日先有人投稿,投訴有學校寧請成績差的大陸人,都唔請本地人,你睇到未?」

離地左膠:「語言係與時並進,舊時香港都唔係人人講廣東話啦!」

答:「對唔住,舊時香港未發展,而家發展左;你老母當年未生你,生左出來唔鍾意,係咪可以隨便殺左你換過個?定係唔使理你意願,幫你強制變性?」

中國遊客用普通話問路:「請問,你是中國人嗎?」

答:「Sorry, no, I’m a Hongkonger.」

中國寶藥黨用普通話問:「你會說中文嗎?」

答:「Sorry I don’t speak Mandarin, not in Hong Kong.」

中國電話騙案黨致電:「先生,你的護照已經被取消,你已經被限制出境。」

答:「Sorry but I don’t have a CHINESE passport.」

一位來自武漢的港漂「曉文」問:「香港人接受只說英文的外國人,歧視只說普通話的中國人,是否雙重標準?」

答:「對唔住,首先說英文的不一定是『外國』人,他們叫『非中國籍香港人』,你為何要歧視他們?至於點解唔反英文?因為英國而家冇侵略香港,而係中國侵略緊。」

同一位港漂「曉文」問:「識講廣東話,是否成為『香港人』的唯一定義?」

答:「對唔住你好亂,究竟香港人係『排外』要迫人講廣東話,定係『雙重標準』歧視說普通話的中國人呀?講左一千次,我們只是『排中』、或你們口中的『排內』,我們不排外,我們歡迎其他少數族裔以至講英文的香港人。至於普通話--問題不是語言,而是中國正在侵略香港!」

有港漂問:「為啥我不能用普通話點餐?」

答:「對唔住,因為呢間係港式茶餐廳,正如你去法國的法國餐廳,除非係遊客區,個侍應係只講法文,餐牌亦只寫法文,因為果度係法國,唔係英國;你要用普通話點餐,應該去遊客區,或者去食中國菜,唔好食香港菜卻要講中國話。」

又一堆港漂質問:「為甚麼你們都不願意說普通話?你懂普通話,卻不說,是歧視!」

答:「對唔住,你哋唔係以『國際學生』的名義來香港讀書嗎?香港對大學生都有英文能力嘅要求,你哋既然可以講英文,點解唔講英文?如果你哋明明可以講英文,卻偏要選擇說普通話,點解我哋唔可以選擇講廣東話?你有人權,我冇?你可以選擇,我唔得?」

「對唔住,如果你可以『測試』落單個阿姐識聽幾多普通話,咁我可唔可以『測試』一下你哋識聽幾多英文,識聽幾多廣東話,識睇幾多正體字?點解你哋唔寫正體字,唔講英文?唔講廣東話?你歧視我呀?你明知我唔講普通話,點解你要迫我講?你係中國共產黨呀?」

對唔住,我曾經以為,只有中國共產黨才會強迫人講普通話。

對唔住,又或者你可能真係共產黨,我今日先知。

對唔住,又或者問題係中國人,係中國,而唔止係共產黨,而我以往卻相信咩愛國不愛黨的鬼話。

對唔住囉,黎明,我哋欠左中國人呀嘛,全世界都欠左中國人呀嘛,連武漢肺炎都欠左中國人呀嘛,寫埋上國際期刊呀笨?世衛關心你呀,WHO cares!世衛好很關心你呀!WHO fxxking cares!


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤