• 【靚女不怕死】53歲溫碧霞血拼唔戴罩 坦蕩蕩逛商場
  • 2020-03-06    

 

武漢肺炎疫情嚴重,但有啲人真係未驚過,53歲溫碧霞就係其中一個,唔只原訂計畫下星期飛日本,連留喺香港都照樣shopping,而且罩都唔戴坦蕩蕩!唔通真係靚女不怕死,不會失去血拼和品味?

溫碧霞主演電影《墮落花》入圍《第15屆大阪亞洲電影節》,而電影節3月6日至15日如期舉行,所以溫碧霞原本打算照飛過去參與,無懼日本境內疫情擴大,確診病例已超過一千宗。不過,電影節雖如期舉行,但就取消晒溫碧霞相當重視嘅見面會、簽名會、問答環節,最後只能無奈取消行程。

計畫被打亂,而新戲預計4月先喺香港上映,實際情況都要視疫情而定,所以未需要開工宣傳住,溫碧霞唯有外出shopping打發時間啦。

溫碧霞出街唔戴口罩打出個靚樣,53歲,真係keep得好,護膚品以及化妝品當然功不可沒啦。佢呢日目標明確,直接去專門店、專櫃打躉掃貨。咪睇啲女人嘢細細枝、細細盒好的骰,買起上嚟一樣塞滿兩個大袋㗎!近月遊客大減,本地人又少出街,零售業食咗穀種一段時間,依家有溫碧霞呢個大客上門,梗係出盡力服務啦,幫佢拎埋上車又點話啫。

血拼完,準備擺駕回宮,溫碧霞穿過商場行出室外上車,成程路繼續唔戴罩。咁嘅時勢,就算係女神,行人都應該對佢避之則吉。

攝錄:李玄

+4


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤