• 【中環人語】優品360老細 捐罩有數計
  • 2020-02-24    

 

優品360去年反送中運動受到重創,一直都好想做啲嘢一洗頹風。係二月初,卒之使出渾身解數去「撲罩」返香港打算益街坊,本來「班」到百萬個日本品牌、越南生產嘅口罩,成本價$2一隻,已立即課金落訂及安排船期運返港,仲度緊如何在其店鋪以「成本價」,即一盒60個,每盒賣$120。誰不知人算不如天算,上個禮拜得悉批貨已被人出高價夾走,以每個$7-$8搶貨,咁成本價每盒起碼$400,投資物業有一手嘅林子峰又點會摸頂搶罩兼助長炒風,最後寧願放棄。

佢老哥乾脆把手頭上嘅口罩散出去社福機構,以上市公司優品360名義捐出5萬個口罩及1萬支搓手液俾社聯,另外林子峰認真「公私分明」,私人捐2萬個口罩去扶康會長康之家及長康浸信會長者鄰舍中心。其實360老闆林子峰同長康邨居民坐埋同一條船㗎,2017年林子峰私人同馬亞木、物流張張順宜以$11.5億同領滙買入長康邨商場,如果長康邨再爆疫症咁就攬炒,優品360老闆總希望在長康邨嘅弱勢社群千祈咪中招,話哂都係同邨,要守望相助嘛!

林子峰兩年前投資買入長康邨商場,捐口罩也選在同一屋邨的長康之家及長康浸信會長者鄰舍中心。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤