• 【有片|明星隊撐警宴】成龍志偉警務處處長鄧炳強唱《朋友》 阿倫自認:患難見真情
  • 2020-02-17    

 

香港疫情肆虐,但無損警務處處長鄧炳強與民同樂之心,昨日警隊與晨曦明星足球隊踢友誼波,之後舉行撐警宴,警務處處長鄧炳強、香港警務處人事部遴選委員會總警司謝振中、曾用槍指嚇市民的「光頭警長」劉澤基、2014年佔中用警棍襲擊途人的退休警司朱經緯等齊齊現身。

而成龍、曾志偉、藍校長譚詠麟、張智霖、方中信、歐陽震華、林國斌、梁競徽、盧惠光和衛志豪等,熱情招待警方,梁競徽更和謝振中熱情擁抱。

席上鄧炳強發表偉論:「好多謝警隊兄弟好撐我.....」校長隨即大大聲話:「靠晒你哋!」鄧炳強續説:「我喺區議會講嘢咁叻,因為睇志偉嘅《開心字典》......我做警察係學成龍大哥、方中信呀⋯⋯我唔知點做警察,睇吓睇吓就識做!」

見全場High爆,鄧炳強再賣口乖:「我真係好憎你(譚詠麟),因為我老婆鍾意你,仲多過鍾意我。」阿倫忍不住叫:「呢個咁大罪名。」之後鄧炳強主動捉着阿倫的手說:「冇辦法喇!因為我都鍾意你,今日真係好多謝咁多位鍾意踢波嘅朋友,同埋演藝界嘅朋友,其實大家係老友,全部在心中,唔使講嘢,只要你哋畀個手指公我哋,我哋赴湯蹈火,在所不辭。」全場一齊舉起手指公。

臨散席,成龍更帶頭孖鄧炳強、志偉、校長四人合照《朋友》,成龍轉用普通話講:「不管我們是哪一個階級,我們永遠都係朋友。」鄧炳強及晨曦班主周文曦聞言即拍手,以示認同。

志偉試咪時,被阿倫搶咪狂寸:「你唔好搶呢個喇!你都唔識唱歌。」鄧炳強搭着志偉的膊頭安慰,志偉擁着鄧炳強的腰回應,阿倫見狀講:「咩時候係見真情呢?患難就見真情。」

成龍與志偉、阿倫,加埋鄧炳強一齊帶領全場唱《朋友》,謝振中則與阿倫對唱《再見亦是淚》。

同場的張智霖和方中信分別跟朱經緯合照,席上可說是藍色藝人盡現。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤