• 【中環人語|武漢肺炎】行政長官蒙黑布 隔離營理想之選
  • 2020-02-17    

 

林鄭唔封關,四出打市民主意搵地方做隔離營。林鄭昨日親自踩入去八鄉少年警訊中心,視察改建做檢疫中心之進度,小宗請林鄭移玉步,到佢近在咫尺嘅「行政長官粉嶺別墅」視察一吓。此乃最理想之隔離營選址也。

唔知係咪「行政長官」四字令人眼火爆,小宗路經門口,見指示牌此四字被蒙上黑布。昔日呢兩層高嘅「港督粉嶺別墅」,已被列為一級歷史建築,有飯廳、客廳兼四間房,環境夠晒空曠有2.4公頃草地可以紮營,且在粉嶺高爾夫球會之內,附近亦是馬會雙魚河之會所,林鄭對呢兩瓣都冇乜興趣,兩個仔又唔喺香港,唔通同老公週未來渡假爆房咩?何不考慮作檢疫中心呢?一於正名為「武肺檢疫粉嶺別墅」,咁就包你林鄭民意彈升喇。不過,事前要拜訪下高球會及馬會,入面好多權貴及專業人士level高過啲官,林鄭嘅政府未必招架到啵。

PK 鄧主動獻上八鄉少年警訊中心做隔離營,林鄭日前去視察做騷,咁又捨唔捨得借出其渡假別墅做檢疫中心呢?


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤