• 【麥明詩肥媽也中鎗】話香港係SARS源頭 道歉都無用 陸浩明:一時疏忽口快過腦
  • 2020-02-16    

 

陸浩明講錯嘢闖禍,喺《#後生仔傾吓偈》話香港係2003年SARS病毒的源頭,隨即引發網民民憤,群起口誅筆伐,麥明詩欲幫6號講好說話,一樣討不了好。

是咁的,YouTuber煮家男人Bob叔出POST,轉載6號節目上講錯嘢的截圖,並留言:「可以抵制條X樣endorse嘅所有品牌。#戇X仔 #好彩馮盈盈糾正番」

然後,麥明詩喺Bob叔的POST留言:「以我對6號嘅認識,佢係曲掛⋯⋯」用得「掛」,證明麥明詩都唔敢寫包單,有保留。而網民更叫麥明詩「唔使幫佢兜喇」,「知唔知沙士對香港人嚟講有幾傷痛?可以攞嚟曲㗎咩」,「捩橫折曲個曲呀」?

錯就要認, 6號好快開POST承認自己講錯嘢,換言之麥明詩幫錯人,佢並唔係曲。6號喺FACEBOOK道歉:「再一之,同大家講聲唔好意思,對唔住!因為一時疏忽,口快過腦,喺節目講錯躢重要資訊,但當時掉以輕心,無即時糾正,令大家誤會,真係對唔住。之後如果小弟要提及重要資訊會更加小心!小心!小心!」

雖然道咗歉,但錯得咁離譜,網民當然唔會就此罷休啦,連肥媽也中鎗,留言鬧:「跟得肥媽多都唔係咩好嘢,收檔啦,有你份嘅嘢都唔會睇唔會買。」「發佈不質實資訊,無知最可怕,你再次傷害香港人,必須在節目解釋及道歉。」

TVB已經出現虧損並發盈警,6號仲喺節目講啲咁離譜嘅嘢,真係多得佢唔少。

+6


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤