• 【武漢肺炎|女首富又出擊】撲15萬個口罩派基層 甘比教三仔女自製搓手液
  • 2020-02-14    

 

連日來積極為基層市民撲囗罩的香港女首富甘比,已經成功搜購15 萬個口罩,更派出義工陸續分發給長者、清潔工人及殘疾人仕等等,效率高過香港政府多多聲。

除口罩之外,甘比準備了另一樣抗疫必須品搓手液,今次更是自家製,連三個仔女都有份幫手入樽。今朝一早,甘比就上載兩張相片上社交平台,第一張是大女劉秀樺同二仔劉仲學,相中見劉秀樺幫手將搓手液倒入膠樽,有板有眼,而仲學就坐在旁邊望住家姐開工。

另一張相,是甘比同甚少的孻女Josie ,只有兩歲的Josie 都幫媽咪手入樽。甘比話:「小朋友留在家教學,也來幫一點忙!希望小朋友在家中除了網上學習外,也找點有意義的事情做做,齊心抗疫,保持正能量的心。」呢批搓水液,甘比打算分畀自修室的嘅會員及同事,真有心!


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤