• 【武漢肺炎|無能政府冇政策】 不滿未解決口罩荒 關淑怡:一味Hea港人
  • 2020-02-13    

 

53 歲歌手關淑怡,早前在「逆權運動」期間,因為不滿警方向市民使用暴力,在社交平台鬧爆警方未有保護市民,更指責撐警市民說:「我希望良知另(令)你尋回自己。」

一向敢言嘅佢,就近日武漢肺炎疫情持續蔓延,昨晚又喺社交平台爆seed :「群策群力,不亢不卑,能預防武漢肺炎!呢個就係政府係(喺)冇能力之下嘅鼓勵說話。佢哋不嬲有咩大件事收唔到科都係用呢招!」之後又話:「一係就打謝你,一係俾粒糖衣懵仔藥啊!呢個就係我哋嘅特別行政區的可行政策,除此之外就冇政策。」

另外一個post,關淑怡貼上日本廠商改廿四小時做口罩,應付口罩荒。佢繼續鬧:「香港特別行政區完全冇積極面對呢個咁嚴峻嘅處境,只係一味Hei 香港人!」不過,呢兩個post ,好快就畀關淑怡delete咗喇!

關淑怡尋晚喺IG鬧爆政府無能。
之前又嘲笑蔣麗芸議員建議蒸囗罩重用係「無常識」。
一向敢言嘅關淑怡早前亦都有份指控警暴。
亦有試過因不滿好友黃耀明遭大陸封殺,而與大陸網民在微博展開罵戰。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤