• 【5月生得】40歲楊怡宣布佗B「小羅白」 羅仲謙第一反應:你唔好亂咁噏
  • 2020-02-13    

 

恭喜恭喜!40 歲楊怡同羅仲謙結婚四年,終於造人成功。昨日有報道話楊怡已經佗B 6個月,今年5月生得,更影到羅仲謙去年荃灣龍母廟參拜祈福。

今朝一早,楊怡就透過社交平台報喜。楊怡上載一張同羅仲謙嘅合照,留言:「我們的緣份從劇集開始,由同事變朋友,由朋友變情侶,由情侶變伴侶,從今以後⋯⋯我們多了一個身份,感謝上天送給我們一份珍貴的禮物。」

楊怡仲話從此佢哋之間就多咗一個小燈泡,希望BB可以時刻照亮佢哋嘅生命,好期待BB出世。

不過,羅仲謙最初知道自己就快榮升爸爸,第一個反應竟然係:「你唔好亂咁噏,你問清楚醫生未?」而BB未出世,佢哋已經幫佢改咗乳名,叫「小羅白」。

其實喺1 月初,楊怡喺ig 已似有暗示。當日楊怡上載一張《反斗奇兵》「嘮蘇」公仔相,仲有齊大細size ,更留言話:「老公給我買來大嘮蘇,從此小嘮蘇有人l陪,不再寂寞了!」

不過《壹仔》喺楊怡好友嘅ig ,搵到一張楊怡嘅拜年近照,相中楊怡抱住狗仔,身形未見有發福,亦唔覺有肚凸凸,相信佢係超弗孕。

+4


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤