• 【鬧爆林鄭冇吸取教訓】王宗堯憂社區爆發:啲人走甩又唔隔離仲唔封關
  • 2020-02-11    

 

新型冠狀病毒持續擴散,青衣長康邨康美樓因出現兩名確診病患者,昨晚政府漏夜緊急疏散逾百名住客。

《向西聞記》其中的兩集單元亦於康美樓取景,週四(13 日)起viu TV會播出該劇。其中在康美樓取景的單元《碌架床》,由王宗堯和林雪主演,對於疫情肆虐,王宗堯感到既憂心又激氣,「政府嘅做法同林鄭嘅回應真係好差,都冇喺經驗中吸收教訓,仲叫市民唔好出去食飯、唔好約朋友、唔好睇戲、唔好做運動,乜都唔做得但又唔封關,令到香港人更加冇晒生活,市道靜到黐線,所有嘢相關掛鈎嘅時候,影響晒香港成個經濟,香港人依家真係好慘。」

他非常擔心社區爆發,坦言:「更加擔心嘅係呢次青衣社區爆發,隔咗咁多層樓,咁住中間層數啲人點?其他隔離層啲人又點?同埋依家咁多唔同社區爆發,啲人走甩又唔隔離,又遵守唔到規則又冇法搵到佢哋,警察又唔做嘢又唔拉人,衛生署又做唔到啲乜嘢,令到隱形帶菌者周圍走,03年沙士就話某幾個社區爆發,但我覺得今次有好大機會好多地方會有呢啲社區爆發,係好驚。」

他現正不停撲口罩及搓手液,希望將物品率先派發有需要人士。

至於林雪得悉康美樓「出事」,他說:「又會咁橋嘅?拍嗰陣記得環境幾好,乾淨,樓上電梯大堂又大又通風,希望受感染確診嘅病患者快啲好番,疫情早日過去,不過大家呢排都真係要注意衛生,小心身體。」

值得一提,林雪在劇中,因為「細家嫂」蔡明思霸住廁所沖涼,撞正肚痾而在家中大廳「瀨屎」,這幕「瀨屎」戲全程在康美樓拍攝,至今香港總點擊率已超過600萬。

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤

----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址