• 【武漢肺炎|恒豐300億業主懶理】員工內地回港照開舖 用包裝套當垃圾桶蓋 商戶自生自滅:我哋玩完啦!
  • 2020-02-06    

 

武漢肺炎肆虐,本地感染個案持續增多,其中一名確診患者情況危殆,她的工作所在地佐敦恆豐中心,商場員工人心惶惶,大部分店舖關門。與患者同層的商戶陳小姐,前天起已暫停營業,她直斥商場長期以來衛生環境惡劣,肺炎傳入香港時亦無任何衛生措施,待有商戶確診後又未見商場封舖大清洗,隨處都是無蓋垃圾桶,懶理商戶死活,「我哋今次玩完啦!」

記者到恆豐視察,氣氛大致平靜,患者經營的時裝店已關閉,但未有被圍封,與患者同層的LG樓,只有三間舖頭營業,全個商場近九成店舖無開門。清潔人員戴上透明眼罩更換垃圾袋和拖地,亦用布抹扶手電梯,「平時唔多大陸人,原本一日只拖兩三次地,依家密密拖,依家我又辛苦又驚啊!」不過商場仍沿用無蓋垃圾桶,有商戶感擔心,自己拿光碟包裝套蓋上店前垃圾桶。現場有兩名保安看守,神情緊張,更一度尾隨記者行走。

「擔心都冇用,依家幾個商場都中招,唯有做返好自己本分。」與患者時裝店同層的光碟舖店主照常營業,他說與涉事時裝店與自己距離不近,加上每日開舖前會用消毒火酒拖地和抹貨架,不擔心自己會中招。

不過並非每個商戶都像他如此淡定,陳小姐和患者相隔六個舖位,知道患者身分,平日無交流,見面只會點頭。她近日沒有回恆豐開舖,打算七日後才恢復營業,期間安排員工放有薪假。「等商場徹底消毒咗先,啲員工必須要隔離,唔想佢哋返工有危險,想對社會盡返啲責任。」她說自己及早做足預防措施,每天拖三次地,規定同事和客人要戴上口罩,兩者保持距離,故不擔心自己中招,但她非常不滿商場衛生情況,即使肺炎在本港肆虐,亦未見商場有明顯加強清潔:「廁所個地仲係好濕,啲人便溺瀉咗,又唔常收垃圾,垃圾桶成日都滿,呢排又好多人扔口罩,垃圾桶仲要冇蓋,又擺正喺門口!」

陳小姐指,在患者證實染上肺炎前,已打電話向商場了解中央冷氣系統消毒情況,對方指農曆年前已洗過一次,當時未有進一步清洗的意思,「頭先管理處打返電話畀我,話恆豐會自費殺菌消毒,連做兩日,我覺得確診當日要封咗個場做清潔先。」她批評商場後知後覺,應變措施不夠快不夠果斷,建議仿效其他商場,於場內擺設酒精搓手液。

轟恆豐孤寒企硬唔減租


陳小姐在恆豐經營女裝生意達十二年,她指大陸客佔商場客源達七成,自逆權運動以來已少了一批大陸客,生意額下跌七成,經濟尚未復甦之際,疫症又再重創零售業。年三十至今幾乎每日無單開,她約200呎的商舖月租逾五萬元,加上僱用兩名員工花費要兩、三萬,感嘆現時負擔相當吃力。「一日開門,一日都係蝕緊錢,開支從來唔會停,每日至少蝕四千蚊。有事發生,我哋都係孤軍作戰、被孤立。」

恆豐自逆權運動起,沒有提供租戶任何紓困措施減租,今次應對沙士反應又慢半拍,陳小姐生氣道:「真係好乞人憎,我希望業主做一啲野,係真真正正直接幫到我哋租戶,佢剩係識搞抽奬嗰啲,無人消費,你搞啲咩活動都係無補於事,通常你搞抽奬係好開心嘅情況先有,而家呢個情況一啲都唔快樂,成個社會唔快樂。我覺得直接啲,係減租或者免租,幫到我哋共渡呢個難關。」

於1982年落成的恆豐中心毗連佐敦站,商場位於二樓至地下二樓,三樓以上為恆豐酒店,地理位置優越,以往能造就不錯人流,八、九十年代曾風靡一時,不過37年過去,商場依舊,但風光不再。

恆豐中心的發展商為恒豐企業有限公司,由李文華創立,現時由李德義家族經營。李家多年從事房地產生意,為人低調,只是官非纏身時才成為新聞主角。坐擁百億身家的李德義近80歲,為恒豐中心及恒豐酒店的大股東,物業資產遍佈日本、英國、瑞士等地。據褔布斯最新估計,李德義及家族的身家達到38億美元(約298億港元),在香港富豪中排名第26位。以恆豐商場一層大約30個舖位,以每間舖租約5元萬元計算,單是商場位置一個月未計雜費可賺600萬元。李氏父子家財萬貫,錢銀可謂「濕濕碎」。

員工內地回港照開舖

銅鑼灣恆隆中心,一向是內地批發客拿貨的熱門地,名牌批發的店主林小姐向記者透露,同層許多員工,新年期間前往內地探親,返港後仍如常開舖,沒有自我隔離。「呢度做批發嘅員工,八成都係大陸人,呢啲人好自私㗎,我隔離舖啲人有啲係四川,其他地區都有,佢哋返嚟都唔戴口罩,照樣同我哋傾計!」她指,農曆年假後生意十分慘淡,連續兩日無單開,愈來愈多店舖亦因為「頂唔住」開始放無薪假。

同層另一店主Sandy亦痛斥這些返港員工,罔顧其他人健康,「佢哋全部都係藍㗎,林鄭封關佢哋已經不停話,封關啲貨點走,佢哋以利益行先,唔會理香港市民健康㗎。」

其中一名員工向記者直認最近曾前往深圳,但又派「定心丸」指:「因為我們在深圳有分店,我們只是去看款式而已啊!」

今次武漢肺炎傳播速度,比03沙士更快更狠,17年過去,部份人的衛生意識卻沒有進步,香港人只能自求多福了。



撰文:張怡

錄影:林志謙、梁正平

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址