• 【禁忌之林】藍絲爭口罩 大鬧李嘉誠(林忌)
  • 2020-01-31    

 

「賀年禮品,送禮自用皆宜!日本口罩,好舒服㗎呢!」

「恭喜發財,口罩逗來!」

「外科口罩,五百蚊盒!手快有快慢冇!」

「上Gmarket買衫?梗係去買口罩啦!我掃晒美英德法意日嘅Amazon啦,仲識背 ASTM F2100 BFE98% PFE98%呀!」

究竟香港人做錯乜嘢?點解我哋今日要咁折墮?

「唔使怕!聽阿Ann姐蔣麗芸講,口罩可以蒸來消毒重用!咁咪唔使買咁多口罩囉!」

「係咩,你不如叫佢試下蒸過條姨媽M巾,消毒來重用,如果佢仲有M的話。」

「從前,有個男人用蒸過的Condom拎來重用,結果,佢多咗個女,佢就幫阿女改咗個英文名,佢叫 Ann。」

究竟香港人做錯乜嘢?點解我哋今日要咁折墮?

「點解唔可以學台灣,由政府出面收購口罩,以及統一調派?點解唔可以好似澳門咁預留口罩,幫市民憑身份證預留口罩?究竟林鄭月娥做咗乜嘢?究竟政府點解唔可以出面做?」

「問得好呀,不過一個連八達通都唔識用,口罩都唔識戴的弱智特首,你靠佢派口罩?唔好玩啦,好似陳茂波咁連派四千蚊,都可以搞足成年,你靠政府派口罩,香港人都死晒啦!」

程班長送百盒口罩抽獎,抽不中的發爛渣,鬧送禮者呃人;阿布泰蝕運費成本價賣口罩,因予醫護優先,竟被藍絲指控為行賄;前晚沙田有架私家車被人打爛玻璃,唔係偷車,唔係偷銀包,係偷口罩!

名電影《2001太空漫遊》,經典一幕為猿人打交,重現人類開智;2020香港街頭漫遊,處處上演白髮類人猿排隊再打交,展現人類倒退為猿猴的反智現象,究竟香港人做錯乜嘢?點解我哋今日要咁折墮?

幾個「勇武阿叔」,因排不到口罩,遷怒於李嘉誠,大力拍打屈臣氏大閘,有個八十幾歲阿伯大鬧商家,質疑年紀大買口罩為何要排隊;有個叫陳女士的阿嬸,朝早六點去到排隊買口罩,致電電台讚特首關心香港市民,叫大家不要排斥「國內同胞」、「疫症唔好講政治,希望泛民唔好抽水」。

「政治問題唔好講政治!」──從上述幾位人士嘅言論,你就會明白,香港有好多人,就係無可救藥地 Hopeless!搞到排隊都買唔到口罩,鄰近地區唔係政府派發口罩,就係本土優先,禁止炒賣口罩,而香港乜都冇,叫班老人家在農曆新年,冒寒風排隊買口罩,竟有老而不,唔係怪個弱智廢柴政府,而係怪大家「抽水」,怪商家要老人家排隊,怪人哋入到貨太少貨,令佢哋冇得分,你就會知道,其實香港人做錯乜嘢──就係我哋一直都唔認識,身邊原來仲有咁多披著人皮嘅猿猴,你以為佢哋係人,係同類,其實只係一個美麗嘅誤會。

之前有班人一直聲稱,香港要衰到貼地,要焦土,香港人先會醒;今日夠衰到貼地啦呱?寒風凜冽叫班老坑排長龍買口罩,佢仍然唔係怪政府無能,仍然唔會怪林鄭拒不封關,仍然唔會怪製造呢一種災難嘅中國,原因好簡單,就係呢班人信奉個宗教,叫做「中國」,一如中共官方宣傳:「命苦不要怨政府」,就要怨你哋「搞搞震」,把好人當賊辦,令好心著雷劈!

醒未?這就是中國,這就是中國人啊!

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址