• 【武漢肺炎】哽咽主席范鴻齡 疫症爆發唔見人
  • 2020-01-30    

 


武漢肺炎肆虐,醫管局 「高、中層」及前線人員四出奔走, 醫護人員差不多以死相諫,勸呢個林「奠」政府封關,唯獨醫管局「頂」層唔見影!去年十二月上任嘅醫管局主席范鴻齡,即是行會成員羅范椒芬個親大佬,上任第四日,就來上演一場真人騷,與傳媒茶聚提及社會事件後,就在鏡頭面前 「哽咽」又「眼泛淚光」,仲話同前線醫生傾過偈,明白佢哋點解咁激動。范鴻齡上任兩個月就爆發肺炎疫症,佢同港鐵主席歐陽伯權都應當選年度「黑仔」主席,這道黑氣來自何方?十年前,范鴻齡做中信泰富老細榮智健馬仔時,公司炒燶澳元搞到要轉庄,佢老哥都要起身, 從此失意商界。 難得獲林鄭睇起,坐上醫管局主席呢個頂層,范鴻齡律師出身,醫療抗疫嘅嘢真係識條鐵,不過在非常時期都唔出來精神上支持吓啲醫護人員,唔通等有醫護殉職先出場encore「哽咽騷」咩?

撰文:宗青華

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址