• 【重溫|燉湯店違規兼侵權】楊明又無視法紀巴士站泊車 市民睇唔過眼:行為令人討厭
  • 2020-08-08    

 

今日凌晨,有酒駕前科的楊明,再涉嫌酒後駕車失事。其後警察趕到現場,滿身酒氣的楊明未能提供酒精呼氣測試。


重溫片2020-01-28

之前去警總撐警嘅大台藝人楊明,成日都話要止暴制亂,不過,佢間燉湯店似乎就愈搞愈亂,前排荔枝角分店仲涉嫌違規,俾食環告無牌經營,佢就話呢排有好多無理投訴。但係,楊明又俾人發現,佢間舖入面張海報用個隻藍象LOGO,原來係偷用泰國藍象商標,搞到泰國有關方面,都出聲明話楊明侵權,之後楊明又話係無心,真係龍門任佢搬。

樣樣野都多多藉口,早前有讀者報料,話見到楊明將架車周街泊喎。「今早駕車沿軒尼詩道行駛時,在大有(商場)對面,發現中線有一部車停低,阻礙其他車輛行駛,當時是繁忙時間,當時開始留意這部車,之後更誇張,停了在前方的巴士站,司機下車入了銀行,之後再看原來是楊明,作為公眾人物,咁樣泊車令人討厭」。

雖然部車都落地3年,但係話晒都成80幾萬,周街泊唔怕整花,都會阻住人啦。今次人車並獲斷到正,唔知楊明又會唔會話自己無心呢?

----------------------------

ChannelNEXT人民學堂:識法大講堂

曾志豪X劉偉聰 同你拆解「港版国安法」

立即收看

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!