• 【孫中山像後放「十字架」疑抑革命】楊天命斥高官破壞香港風水 料樓價將下調
  • 2020-01-26    

 

「喺西環有個孫中山像,像後面係咩?全部都係「十字架」。十字架代表咩?死亡。而孫中山代表嘅係革命。一個革命者嘅紀念像,後面有死亡意境,係咪咁巧合?」堪輿學家楊天命說的是位於西營盤海傍之中山紀念公園,在國父孫中山的銅像後,豎立著眾多呈十字架形的燈柱,真正的用意何在?已無從考究。

不過楊天命可以肯定的,是香港風水在過去一年已被嚴重破壞,他提醒:「香港變得地唔夠傑人唔夠靈,日日聞咁多催淚彈又點樣靈?香港係中國南方伸展落嚟嘅龍脈,風水本先好好,令港人慢慢賺好多錢之餘亦都帶動到內地嘅風水氣候,所以當權者要知道唔好破壞香港風水,不然中國都會無運行。」

中山公園疑抑革命

據歷史記載,孫中山在發動革命後被滿清政府迫害,後被港英政府驅逐出境;每每途經香港往返內地時都只能在船上眺望香港同志。而中山紀念公園鄰近西區海底隧道的通風口,該片土地是由填海而來,亦是以往孫中山船隻停泊的地點。

本屬全港首個以國父之名而命名的公園,紀念意味重,然而孫中山像後卻設了多支十字架形狀、甚為密集的高大燈柱,遠看猶如墳場一樣。楊天命以玄學角度解說:「十字架代表什麼死亡,你有革命的話代表咩?全部要面對死亡,就如控制反抗嘅聲音。」

高官行運 港人濕滯

如果施政完善,當權者聆聽人民聲音,又哪來出現反抗?「我上年寫香港高官正行好運,非常得到中央照顧,佢哋做咩中央都會表揚讚揚。」楊天命指一眾港府高官在去年長期有上頭撐腰;如果他們是為香港謀福祉,港人就有福了。但事實如何,相信大家都有目共睹,「政府同市民對抗,市民咪行衰運。」

港府跟主流民意對著幹,不是新鮮事,早在基建及發展取態上一一體現。「如果繼續污染香港空氣,繼續胡亂掘路填海,就一定會破壞風水。」他認同香港山多人又多,過往的土地確實要靠填海而來,「但有種事叫過猶不及,填過量就有問題。」對於政府計劃填大嶼山一帶的地方,他這樣看:「根本大部分人都唔覺得要填,好多地方肯收地就起到樓。你(中央)講到咁支持我哋,點解唔用中國政府錢去填?點解要用我哋納稅人嘅錢先?」

填海要巨款,更會進一步影響維港水流,楊天命解釋:「以前海港好闊,稍為填海可以令水流急啲,代表金錢來得較容易,惟當維港愈填愈窄,水嘅愈來愈快,意指香港易變投機市場,財再唔會流入。」

樓價租金有機會回落

預測本年運程時,楊天命亦有按自身觀察加以分析,「好多人幫襯我睇流年運程,差不多100%都係問如果走的話,去邊個方位較旺?我就喺到諗,如果呢班人移民走晒,本身層樓會點處理?一係租畀人,一係賣畀人。」所以他認為有部分單位會在今年出貨,樓價有機會回落,租金亦有可能下調。現時在香港沒有物業的他指自己也在靜侯時機,「我都係卜卦問個天,天都叫我暫時唔好入市。」

股市方面,他預測今年不會大升,另指2月4日至3月4日會是股市下跌的日子,5月5日至6月4日會進入上升週期,若想獲利即可在該時考慮賣出。但楊天命重申做人不應投機,「呢個世界有幾多人係有偏財命而又能投機致富?投機性嘅炒賣唔係我哋普通人可以做,股市跌嘅可以按照預測地走,大家唔好蝕大錢,我已經好開心。」

香港將持續動盪

過了充滿血和淚的2019年,相信今年最關心的,定必是局勢運程,楊天命也坦言這年會有大鬥爭、大意外發生。「今年係最旺嘅水沖最旺嘅火,要留意新曆6月6日至7月6日,12月8日至2021年的1月6日呢兩個適逢犯太歲嘅月份,情況會較繁複,人嘅情緒起落都會好大。」他舉例說,去年的犯太歲月份是亥月,則是11月8日之後,而數間大學被攻打,就是11月8日後的事。

「人最重要係咩?係令到自己心情平靜。」楊天命說,好好照顧身心健康是不變王道。天時地理如何變,人類或許難以控制,大家可以做的,是在動盪不安之時仍留有空間讓自己稍稍喘息,以應付漫漫長路。

撰文:黃綺敏

拍攝:梁正平 廖健昌

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址