• 【馬蹄露貴妃跳舞】大陸人讚不老女神 姪兒馬米高以死相諫:搞乜鬼啊好得人驚
  • 2020-01-21    

 

近日有條馬蹄露跳舞片瘋傳,相信大家唔好彩睇到之後,一定會XYZ……唔似得大陸人咁「厚道」,開口埋口大讚:「姐姐好可愛。」「姐姐最美。」「姐姐穿紅色真好看。」「美麗的露露。」「不老女神。」

坦白講,評價呢家嘢,出自馬蹄露姪仔馬米高先至夠中肯,而《壹》仔有理由相信,馬米高嘅感覺會同大陸網民完全相反,事關佢曾經咁樣評價馬蹄露嘅貴妃造型:「喂!搞乜鬼啊?好嚇人喎。」「真係好得人驚。」「成個嫲嫲咁樣。」

其實馬蹄露咁大個人,你估佢真係唔知實際情況咩,話晒都曾經改編鄭秀文首《信者得愛》嚟唱,自嘲一下:「任你點講都好啦,話我點醜都好啦,high爆,寫真裸照出吧!就算冇波冇籮呀,31A iPad呀,high爆,乜嘢病都好啦。」

不過,俗語話「有錢能使鬼推磨」,所以明知唔討好都要舞照跳、錢照搵,就算姪仔曾經老實不客氣地「以死相諫」,佢都要揜住良心繼續北上掘金,最多咪出動「血濃於水」囉,中國人理虧嘅時候最叻就係打親情牌㗎啦,仲要講理性、道理嘅一方就會成為罪人。馬蹄露應該都係咁,以為講句「我係你姑姐嚟㗎」就能夠孿都拗返直,符合人治國情。

當然,就結果而言,馬蹄露而家係成功㗎。如果唔係,最近是非纏身嘅楊明又點會被其他媒體影到,佢為大台新劇《伙記辦大事》等埋位期間,向飾演高級督察嘅馬蹄露吐苦水呢?無非都係想同路人關照下啫。

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址