• 【現身蔡英文造勢大會】被問點同藍絲馬蹄露相處 馬米高:把家裡的刀藏起來
  • 2020-01-18    

 

馬蹄露10月6日喺旺角不停辣火頭,最後同示威者衝突見血收場。別人笑佢藍到癲,其實係他人看不穿,無耐之後佢就博到內地關注,即刻北上有工開。

至於以前同佢一齊拍片做YouTuber嘅姪仔馬米高,最近出咗條片叫做「台灣總統大選關香港屁事?」就咁睇條題,似乎兩姑姪一擔擔喎,以致有黃色fans留言話要取消訂閱添。

不過,只要畀啲耐性睇埋條片,唔難發現其實黃到發光,事關馬米高親身到台灣目的係感受當地大選,順便呼吸一下自由空氣,兼讓台灣觀眾知道香港支持台灣。

片中可見,馬米高不單率先體驗「韓國魚酥(諧音:韓國瑜輸)」,更去咗蔡英文造勢大會,期間不時聽到港人熟悉的「光復香港,時代革命。五大訴求,缺一不可。」馬米高明言:「嗌到想喊,唔好再嗌喇!太雞動(中國民國國語)。」

所以,唔少人被馬米高條題呃到,「人一藍腦便殘」嘅更加唔使講,以為搵到同路人,點知最後要嬲嬲豬留言:「原來係黃㗎,sorry,立場唔同,唔會再睇。」馬米高親自回覆:「別人的選舉你要有什麼立場?」另外,佢亦喺回覆其他人嘅留言時提到:「過濾低質素觀眾是2020年其中一個目標。」邊啲係低質觀眾?大家心中有數。

馬米高好有心,經常回覆網民留言,其中有啲幾有趣,有人問:「你姑姐馬體(蹄)露有無同你割蓆?」「你是黃絲,你姑姐是藍絲,好奇你哋點相處。」佢咁樣答:「就是把家裡所有刀都藏起來。」

咪制呀!馬蹄露嘴角流下血就已經北上做貴妃,真係出刀嘅話,大陸隨時推佢上位做女一,到時TVB買嚟播就GG了。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址