• 【搞黃色經濟圈幫手足】41歲王宗堯孭住控罪被撇 即有嫩口新女陪
  • 2020-01-17    

 

王宗堯被指涉及七一立法會示威,被控一項進入或逗留在會議廳範圍罪。25歲女友蘇皓兒(Chloe)曾跟他共患難,之前兩次陪伴上庭。可惜拍拖兩年,最後分手收場。

Chloe月初單方面宣布分訊,但王宗堯被撇翌日,已火速有新女相伴。雖有控罪在身,仍無損男神魅力!

日前他跟新女孖住去食台灣菜,女方符合他一貫品味,是嫩口正妹。

一部手機兩份睇

王宗堯的擇偶條件從來沒變,由始至終鍾情廿幾歲嫩口索女,除Chloe之外,先後跟Dada陳靜、「浸大E神」Carol、「第四代邦民女」黎紀君及性感女星蔡潔等撻著,全部樣靚身材正。新女也不例外,長髮大眼,省鏡!

雖然吃飯時,二人邊食邊篤手機,但後來一部手機兩份睇,親密就在細節中。

撐完枱腳,他們戴上口罩走人,好合拍。途中未夠喉,孖住去買嘢飲。之後等過馬路,王宗堯再畀自己部手機新女睇,看來已頗熟絡。

王宗堯2月會再上庭應訊,也許到時會由新女相伴。

講番單官司,王宗堯話希望盡快完結,因為影響到他未來的計劃。他暫時無戲拍,現轉做幕後,主力打理自己間製作公司。

他不但姓王,而且堅係深黃,現時有推動黃色經濟圈,他想整合資源,發展成一個平台或公會,讓手足可以重返原本擅長的崗位。

他本身在倫敦大學讀經濟統計學,希望讀過嘅嘢,喺呢個計劃用得上啦!

攝錄:蕭敬漁、吳斯金
+7

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址