• 【中環人語】美心駙馬爺 小心鼠年相沖
  • 2020-01-16    

 

馬會主席周永健年屆70,將卸任馬會主席,此等有名譽、有地位嘅公職,唔係容易撈㗎。

正所謂要有錢又要有面。每逢賽馬日務必要出席之外,仲要有銀両請客食飯、飲靚紅酒,令場場賽事搞得有聲有色。在云云馬會大董之中,大熱係今年65歲嘅「美心駙馬爺」陳南祿(Philip Chen),次熱係利希慎家族後人利子厚(Michael Lee),佢今年59歲。唔少遴選會員都好關心主席誰屬,有指陳南祿會做主席,讓年紀較輕利子厚做副主席,咁就可以坐多幾年都未到70歲呢個退休之臨界點啦。

去年九月,惹火馬主何君堯的「天祿」出賽,恐引來示威者堵塞馬場,作為主席嘅周永健及管理層破天荒取消賽事,令馬就未能照跑!

昔日美心叫做「大招牌」,陳南祿娶咗伍淑清個妹伍淑恩做老婆,仿如入贅美心,伍家族人更視陳南祿能攀上馬會大董乃是美心「大招牌」照住。但此時彼刻,「美心」惹火程度與「何妖」看齊,今年庚子鼠年,鼠馬相冲,咁馬場會否成重災區呢?

撰文:宗菁華

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址