• 【債主陸續現身】眾籌演唱會檔期一改再改又延期 阮民安俾債主爆冇錢請Dancers
  • 2020-01-14    

 

憑逆權運動翻生的阮民安(Tommy),早前被舊愛阿K數臭惡行,又不屑他利用港人同情心,舊愛阿K分享慘痛經歷,其中包括為Tommy代孭債50萬,事後多名債主現身在Tommy Facebook 追錢,Tommy 雖揚言會處理,但事件似乎還未平息。最近,有Dancers指自己是未追到錢的債主,仲大爆Tommy將會舉行的演唱會,冇錢搵Dancers,但卻要篩選,即係又要馬兒好,又要馬兒不吃草,結果Dancers分享遭遇後,又一次引來其他自稱是Tommy的債主出來呻。

Tommy去年9月在網上號召舉行一場「沒有國泰,還有民安2.0演唱會」,為反送中的手足打氣,之後更發起眾籌,但呢個騷一拖再拖,一時指場地唔批,租場疑受阻撓, Tommy 解釋自己先後申請了旺角麥花臣、灣仔新伊館、北角新光戲院都被拒,令不少有網民質疑他吃人血饅頭。

而上月底他宣佈已敲定本月18日租了沙田道風山開騷,點知就在開騷前的一星期,佢又再聲稱遇到阻滯(唔係已落實咩?),最後演唱會再延期鐵定1月23號晚,晚上8點,喺沙田ClubONE宴會廳隆重舉行,風雨不改! (嗱,佢話鐵定呀!)

演唱會終於搞得成,眾籌之餘,Tommy 仲呼籲當日所有黃色小店,將當日部分嘅生意額,多少不限,隨心捐出,交由代理人直接送到台灣流亡嘅手足。

但個底花晒的Tommy ,就被Dancers開post 指Tommy演唱會冇錢搵dancers,要人做義工之餘仲要篩選,那位Dancers更表示自己是未追到錢的債主,引來同是天涯Tommy債主的一群,指自己都曾經被他走數。

唉!誠信好緊要,由小強成為有光環的抗爭英雄嘅佢,究竟仲有幾多條街數未清,相信只有佢本人先最清楚!

都係嗰句,抗爭不割席,但數目要分明。黃藍是政見,欠債還錢是良知!

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址