• 【八場舞台劇圓滿結束】王梓軒放十日大假 請同事去日本任玩任食
  • 2020-01-14    

 


一連8場嘅音樂舞台劇《利瑪竇》part2,周日(12日)在一片掌聲下圓滿結束,《利瑪竇》將於7月,換個方式再同大家見面,身為男主角嘅王梓軒,將會與中樂團開音樂會,繼續宣揚利瑪竇精神!

已有大半年未有放假嘅梓軒,完成十周年個唱及《利瑪竇》後,終於可以鬆一鬆,放十日大假,梓軒搞笑話:「我請埋同事一齊去日本,咁就唔會有藉口要做嘢,可以真真正正休息吓。」

大半年冇放大假,梓軒話:「昨晚深夜時,收到一個訊息,你唔可以話係警告,但令到我要格外小心,就係我嘅經理人打俾我,因為我自已開咗個無條件任大家去plan嘅假期,竟然我嘅經理人話『你咁嘅budget,我哋點玩得盡興呀!』嗰吓覺得好冤枉,我都冇cap過你,你幫我慳錢係好,但係你想玩多啲咪加碼囉!我哋希望大家玩得好開心,我覺得係值得,因為呢幾個月,每一個同事都係出心出力,甚至有一個同事成個禮拜冇沖涼,另一個直頭攞咗演唱會個道具當床褥瞓喺公司,呢啲咪抵錫囉!」

《利瑪竇》尾場時,台前幕後都難捨難分,不過暫別半年後又再見面,一身輕鬆嘅梓軒話:「我既唔捨得又一身鬆晒,《利瑪竇》由第一次嘅綵排及公演到第二次重演,差唔多有一年,中間亦都花咗半年時間喺台上台下準備同演繹,期間同松哥、導演及台前幕後有好多嘅故事同感情,亦見到觀眾感受到嗰份正能量同愛,我哋自己都不禁流淚。」

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址