• 【17年仍咀魏駿傑】偷食爆煲漏夜搬走 張利華為出軌解畫:情轉淡五年前已分房
  • 2020-01-13    

 

本刊踢爆魏駿傑的32歲重慶嫩妻張利華出軌,背夫偷食老外新歡又啜又攬後,魏駿傑得悉老婆偷食,自己戴上綠帽感到震驚,對於老婆在的士車廂同老外熱吻,他寸張利華學「安心偷食」,「啲人咁鍾意喺車度咀,的士咁多事。」

據悉張利華知偷食爆煲,趁魏駿傑日前返內地登台,即晚上漏夜執拾細軟搬離西貢愛巢,而老外新歡亦在灣仔寓所消失蹤影。

視愛女Jessica如命根的魏駿傑,對張利華心已死下,他在facebook貼文:「從此與你相依為命!」他繼續父兼母職,照顧愛女。有傳魏駿傑知道偷食後,現開始著手搞離婚。

至於背夫偷食的張利華,回應本刊說:「我本身唔想講咁多嘢,我哋其實五年前已經分居,只係因為小朋友,分居但唔係分開住,只係分房瞓,唔想小朋友有個破碎家庭,所以我地一早有共識,希望你哋俾多啲空間我哋。」未離婚已另結新歡,其實已經帶給小朋友一個破碎家庭吧!

不過17年,本刊仍發現魏駿傑兩公婆到淺水灣撐枱腳,男的仍浪漫地送上99支玫瑰給她,同年魏駿傑開泰國菜館,開張當日老婆張利華不單撐場,二人還在傳媒面前咀嘴,以證婚姻重修舊好的恩愛,難道又是家家有本難念的經?而她仍不停強調:「我哋一早安排緊和平解決,」不過當提到她於四個月前,仍大大聲跟其他傳媒聲稱:「我哋好好,即係我哋都希望你哋(傳媒)停止傳呢啲是非。」

今日張利華咁樣解釋:「係呀,因為記者成日咁樣追住我,冇一個媽咪想畀小朋友一個破壞嘅家庭。」

但問她為何不一早撇清關係,辦好離婚手續,才跟其他男人展開另一段關係?她說:「所以我哋一路有傾呢個問題,一路有共識。」

張利華承認已搬離西貢寓所:「之前已經搬離咗。」但本刊上週仍見她與老外密會後返西貢屋企,並且收到消息,她是在老公得悉偷食事件後,張利華才於日前漏夜搬走,對此她這樣解畫:「我呢排已經安排緊,只係搬屋個時間,嗰日先得閒。」

魏駿傑被她送綠帽,想好聚好散的張利華,口說感激:「我哋真係性格不合,行唔到落去,緣份盡啦,但我好感激佢,佢係一個好好人。(壹:再見亦是朋友?) 當然啦,我依然好感恩,大家都仲係親人,我哋會彼此祝福。」彼此各自重新開始。

女兒跟爸爸繼續生活,已搬離的張利華承諾會多探女兒。「爸爸一定會畀我睇個女,同埋我會陪個女一有時間,小朋友係會共同照顧。你哋想要一個答案,我講完唔會再回應。」至於問到她的老外新歡,張利華即落閘:「呢個我唔講喇!」

除有老外新歡,15年與她傳緋聞的單車手鄧宏業,原來亦冇斷交,當了保險經紀的她,被發現跟對方傾保險:「係我個客,同我買保單交收,麻煩放過我啦。」

張利華爆出背夫偷食後, 她聲稱跟魏駿傑早已分房瞓,但17年她撐老公開泰國菜館,兩公婆當眾親咀賀開張。
又是17年,魏駿傑兩公婆被本刊發現到淺水灣撐枱腳,男的還浪漫送上99支玫瑰花。
縱然夫妻緣盡,但張利華稱仍會好好愛護女兒,一有空會陪伴她。
對愛女如命根,不時父兼母職照顧女兒的魏駿傑,在得悉張利華偷食後,於fb貼文:「從此與你相依為命。」,暗示心死,決跟女兒相依下去。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址