• 【TVB頒獎禮|富爸反對入行】趙希洛奪女配爆喊:我真係可以做一個演員
  • 2020-01-12    

 

憑於《金宵大廈》演憶子成狂的瘋婦,「無綫御用癲婆」、富家女趙希洛奪得「最佳女配角」獎,從閨蜜黃智雯手上接過獎項時,二人情深擁抱。

「入行12年人生第一次提名,4歲已經同自己講將來要做演員,多謝樂小姐(樂易玲)喺我想放棄時叫我唔好離開。」她說。

之後她感性起來,談到家人,包括前藝員媽咪梁小玲便爆喊。事實上,出身富裕之家,平時出入有司機接送,她本人亦手持市值八千萬的梅道豪宅。她讀法律出身,但不做律師做演員,有指其富爸爸反對入行。

「部份家人好支持我,好多謝有佢哋,Daddy、媽咪,我終於可以同你講唔使失望,我其實真係可以做一個演員,對唔住,你哋養到咁大,我唔聽話去做一樣你哋未必認同嘅事,so sorry,love u so much,知我哋平時唔會講,但我做咗!」

於後台受訪時,趙希洛心情仍未平復說:「當黃智雯上台頒獎時,個個望住我,我覺得自己仲有好大進步空間,頭先由好姊妹頒獎真係忍唔住,因為大家識咗好耐。約咗班姊妹一陣去酒店食嘢,呢幾日為咗減肥冇食嘢,真係要食番餐。」

至於最佳男配角,由《愛.回家之開心速遞》周嘉洛奪得,算是黑馬跑出。

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址