• 【港台再變戰場】黃秋生「迎戰」何君堯講警暴:佢話唔會拍枱走
  • 2020-01-10    

 

去年11月,港台邀請杜汶澤及陳百祥(阿叻),出席《視點31》,當時被譽為「世紀之戰」,有網民更搞笑開出盤口,不過阿叻的「我唔知」、「我睇唔到」及「我唔理」偉論,搞到阿澤哭笑不得,事後直言與對方對話是「嘥x氣」。

本月14日,港台又再變成戰場,「戲碼」將會是黃秋生對何君堯,早前才女梁芷珊因訪問何君堯而被網民鬧爆,今次秋生講明並非為何君堯而來,「因為利君雅邀請,我因為佢先去。」秋生說。

有鑑上次杜汶澤到場後發現不是邀請他的利君雅主持大局,即時心情跌watt,秋生今次講明:「如果去到發現唔係佢(做主持),我一係走,一係坐喺度淨係飲茶唔講嘢。」,秋生亦表示,港台最初意欲邀請施永青為「對手」,不過他認為自己,「唔識經濟,又唔熟地產,唔識討論黃色經濟圈問題。」,結果改為何君堯,並會以警暴為主題。

秋生重申,切勿將二人對話形容為對決,而利君雅則是公正人角色:「我只視為上去接受利君雅訪問,唔係同佢爭辯,我連屋企人都說服唔到,點說服別人,所以大家千祈唔好覺得係對決,我純粹當兩個去接受利君雅訪問啫。」但秋生亦讚何君堯高EQ,「我理解嘅EQ高唔係一般人所諗嗰種唔易發脾氣,而係佢好識得利用情緒去達到想要嘅目的,即係幾時發火,都係一場戲咁,為達求目的。」。問秋生會否預計何君堯又講到拍枱走,佢就話:「佢話只會對議員先係咁喎,所以唔會拍枱走」。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址