• 【 中環寸嘴】楊局長點極都唔明 族大有乞兒!
  • 2020-01-06    

 

阿局長楊潤雄一上場時,本少爺乃念佢都係姓楊,已「醒」佢一招,既然做得教育局局長呢個位,遲早都要搞好國民教育,學識嗌呢啲口號好緊要:「 不要爸爸,不要媽媽,只要國家!」唉,楊局長點極都唔醒,又係嘅楊家將都唔係個個好似我咁掂嘅,正所謂「族大有乞兒」。佢接受內地媒體訪問時就誇下海口,振振有辭話隨時可以DQ啲校長,對住香港媒體又補飛話:「有權唔代表做。」容許我拋吓書包,楊局長應該直接啲講句:「順我者生、逆我者死」,不要再之乎者也,捉乜春春害群之馬啦。唔好話我唔再醒佢,老董已經第一時間認錯,話通識課教壞細路,阿楊局長你時間無多了,須知道 Time is money,《金融時報》早排都講咗特區政府官員將會大執位,教育呢瓣迫在眉睫,再唔做嘢既話,下一任局長就好難搞,而且習大大都向Donald Trump 學咗嘢,「You're Fired 」,做唔到嘢隨時好似王志民咁,自己執生啦。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址