• 【詹SIR「和你驗」】盯緊「漆易甩」、「隔柵甩」 咬實發展商:一定要執好佢!
  • 2020-01-04    

 

踏入2020年,繼續有詹sir「和你驗」,今次驗收既單位係恒地既翰林峰,一房間隔,實用面積366呎。翰林峰座落香港大學站旁,高層單位可享維港海景,2017年第一張價單折實呎價約22,000元起,但業主梁太去年4月才以1,218萬元買,呎價高達33,000元。

一房單位依然是開放式廚房,但由於雪櫃就在廁所旁邊,減少了廚房的可用空間,感覺比較逼。「廚房位與浴室連埋一齊,加上雪櫃都連埋一齊,整個(環境)很擠逼,所以每次一邊切菜,有人去廁所都要講聲「唔該借借」,開雪櫃又要講「唔該借借」。在家跟家人講「唔該借借」就有用,在外就很難說了

除了廚房較窄,詹sir又教大家驗浴室漏水。「呢個去水,好似個井仔般,咁啲同事都檢查到內有沙石,有個井仔喺到呢,就要做一個測試,即係「淋井」,咁做「淋井」最驟忌就「盟塞」。這個單位的去水位雖然有少量沙石,但詹sir都可以用水沖走,去水沒有問題。

不過,單位牆身的油漆及窗就較多問題,詹sir教路,一個單位不應該出現「漆易甩」的情況,更加不可以「唔見紋」。但這個單位就出現了「漆易甩」,亦都很多污糟的紋,坦言要再油上油漆要「執執佢」,不應該見紋。

此外,單位的鋁門窗出現崩花及不少污漬,詹sir教路驗窗最重要有紀律,開窗時一定要有「己慄」,如果沒有「己慄」就隨時傷人。而窗邊的隔柵亦十分重要,假如「隔柵甩」,就隨時撻死人。

千萬單位的鋪磚多處出現空鼓及有孔需要填補,扣分最多,只有零分。而窗亦是一大扣分位,十分之中只取得一分,拉低單位整體分數至62分,算是近期恒地比較低分的單位。

撰文:詹詠渝

攝影:林志謙

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址