• 【Son話教育】年尾搵工易中伏?出埋Bonus先走好唔好?|張慧敏
  • 2019-12-22    

 

最近一個職場論壇有人Post文問意見,說自己臨近年尾被解僱失業,年尾請人的工,聽講都不是好工,是否應該等到過完年之後才搵工?

是咁的,如此這般,是否年頭年中搵的一定就是好工?不過這個問題的重點,是當事人幾有實力財力,可以撐得到過完年之後再慢慢搵?如果等錢使、如果有家庭負擔,應該不會有時間出Post問人,肯定就算沒有「發晒茅」,都肯定非常積極四周圍搵工。見微知著, Post文的那位不知是仁兄還是仁姐,都確實大安旨意,真係羨慕死人!

講開又講,的確很多人認為年尾還有空缺的公司肯定有問題,亦有認為,年尾沒有什麼好工。因為如果是好工的話,應該點都會等埋花紅、雙糧,出年年頭才辭工。當真如此?

如果同一職位空缺,一年365日不停都在招聘的話,就只有兩個可能性,一就是不斷擴充,請極都唔夠人,二就是份工有問題留不住人。第一個可能微乎其微,第二個可能幾乎可以肯定。其實筍工,一樣可以在年尾出現,大家不要故步自封。

在公,有遠見的公司及管理層,會因應配合明年未來的發展,按實際需要請人。在私,不論任何時候,都會有員工因為移民、身體或家庭等等問題而辭職,所以空缺隨時都會出現。講真,如果份工做到生不如死,搵到立即走夾唔唞才是。我見過太多不停呻好想走的員工,最愛用「等花紅」做擋箭牌,年年都話出完Bonus就搵工辭職。結果出完之後,四周圍搵工見工,拖拖拉拉已經年中,因為做多幾個月又話有Bonus,結果又係話等埋Bonus先辭工。如此這般年年輪迴,講者樂此不疲,聽者聽到想死。

其實事情很簡單,何必搞到咁複雜。六合彩咁難中都一樣有人中,大前提是先要行動付出,買了彩券才有資格去發夢。

白日夢,發幾多年幾多次都不會成真。管他中伏不中伏,就是那能可貴的經驗,壞事都可以是好事!

撰文:張慧敏

張慧敏 (Alison),人稱 Son姐,從「獵頭女王」成功轉型成為商企顧問公司CEO,由始至終的專業是憑一對慧眼看盡職場大小疑難雜症。正職是一對兒女的母親,從自身挫折和經驗悟出教養之道,不外乎以身作則。

個人Facebook 專頁:

https://www.facebook.com/HKcareerdoctor/

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址