• 【畢打街閒人】如何借區議會的力量強化黃色經濟圈?(渾水)
  • 2019-11-30    

 

泛民以極高投票率獲勝,這幾天先要忙謝票,慰勞團隊,然後就要謀靜後動,主路線當然是他們競選時的抗爭路,不過我想講的,是如何善用區議會資源。地區工作係啲好複雜嘅嘢,以新手上路又做得好嘅,公認係鄺葆賢醫生。是時候要跟她學習。

即使西方成熟國家嘅投票率都唔會去到七成咁高,香港今次做到,的確係勁。不過,即使去到七成咁高嘅投票率,依然有好多選區非建制派都係僅僅險勝。由此可見,建制嘅種人頭工程、老人投票等運作真係做得非常之好同埋非常之有效率。由於今次大敗,未來只會加強呢一個過程,大力提高對整個選舉機器嘅操控。因此,這樣突如其來的「東風」可能只是一次而已,之後要靠自己努力。最緊要,還是不要步何秀蘭的區選後塵。

贏嘅地區同催淚彈施放程度都有啲關係。跑馬地真係冇中過一粒催淚彈,結果燒生支持嘅候選人輸咗,謝偉俊連任。印象中長毛嘅選區都唔係催淚彈熱門地方,結果佢都輸咗。今次由於政治素人突襲,所以很多千年「白區」都無額外的種票和樁腳基礎,未能及時調配新票力頂,但這現象未來會被中央檢討。這兒不是潑冷水,而是想各位居安思危。止暴制亂無疑還是最首要任務,睇得出中央不惜任何代價,包括犧牲建制派,然而這兩星期的確少了很多催淚彈。只要警暴不再加劇,政府不做蠢事,很可惜未做到五大訴求前,現在的確有種「散水味」。

如果只係贏多10席20席,咁對成個大局係冇影響。而家基本上係攞晒所有區議會大多數,咁就好多嘢可以搞,有好多資源可以盡情利用,例如他們跟地區組織的關係、跟商界的關係和跟社會企業社會機構的關係。這不是黃色經濟圈咁簡單,而是黃色共榮圈、生活圈。04年當時建制派點樣勾結區議會嘅操作,非建制派一定要好好學習,盡快做好整個基建,組織好整個網絡,否則下一個四年就很難捱了。

斬斷建制派的利益鍊同埋其中一條補給線是重要,但重要的是,非建制如何建立自己的新網可參考返以前建制派點做,同埋台灣綠營如何KO藍營,清算黨產。我覺很多社企、慈善機構、文化機構和商人的關係網要鋪好,新手上路不要緊,自己唔識唔緊要,找人幫忙就好了。

很多人看不起素人搞政治,一個城市要發展,就應該對年青人多啲包容,俾多啲正面支持佢哋,相信佢哋。我一路走來,始終都好相信呢樣嘢。好似我咁活到今時今日,唔係話特別好啊,都叫做唔死得吧。過程有好多人睇唔起,好多白眼,抹黑你,但係破舊立新永遠需要代價。如果你對佢哋係一啲都唔在乎,覺得佢哋唱歌,咁就代表你個人級數不低,有一個唔錯嘅心胸同氣量。年輕的朋友比老屁股有更多潛力,我是永遠相信他們。

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址