• 【G.E.M.有意回港發展?】《句號》疑被內地打壓 《WALK ON WATER》令人聯想反修例抗爭
  • 2019-12-01    

 

鄧紫棋(G.E.M.)自從內地爆紅後,唔少香港歌迷批評佢唔重視香港市場。不過,G.E.M.最近有唔少地方都令網民覺得,佢有意無意間同香港connect緊,疑惑佢係咪想重返香港市場?

點解網民有上述懷疑?首先,G.E.M.為美國電影《未來戰士:黑暗命運》中文主題曲作曲、填詞兼主唱,歌名《WALK ON WATER》唔單只令人聯想「be water」,連歌詞都有抗爭意思:「絕不能失望,過去的痛只是短暫,此刻讓你我都勇敢作戰。曾被壓榨的,Now walk on water;曾被嚇怕的,Together walk on water;曾被強迫的、曾被搶奪的,Just walk on water Just walk on water。」

其次,G.E.M.新歌《句號》嘅MV幕後花絮之中,竟然清清楚楚強調「廣東話是中文來的」。喺內地打滾兼大紅大紫嘅G.E.M.,點會唔知國情如何玻璃法,呢啲容易觸動內地人神經嘅說話梗係唔可以講啦,隨時被解讀為「分裂」、「獨派」,但佢偏偏又擺埋上微博。難怪令香港網民覺得:「佢係咪想connet返香港人?」

唔出奇!因為G.E.M.同前經理人公司對簿公堂繼而解約收場後,成立個人公司繼續推出新歌。其中最新作品《句號》,係G.E.M.離開舊公司後第一首自己做嘅歌,並於11月22日上載Youtube,至今短短一星期多啲,收看次數已破5百萬。重點係,咁受歡迎嘅歌,但內地各大音樂平台反而遲遲未上架,遭受不公平待遇甚至打壓嘅可能性相當大。

唔想再合作、想自立,竟然惹嚟打壓,連一首歌都容納唔到。咁嘅情況下,如果G.E.M.真係想返香港發展,好正常。

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址