• 【高以翔拍攝時猝死】真人騷《追我吧》遊戲高危 連凱轟: 有考慮我們的死活嗎?
  • 2019-11-28    

 

尋日台灣型男藝人高以翔,以嘉賓身份拍攝內地真人騷《追我吧》時突然暈倒,送院後證實不治。之後有內地傳媒指,當時患感冒嘅佢,埋位時已經步履蹣跚。其實唔少參予呢個真人騷嘅藝人,都呻過拍呢個節目太辛苦,遊戲難度同體能都太高,令參予嘅藝人同嘉賓都受傷。

睇番其中一集,確實令人睇到滴晒汗!其中一位落場隊友,係國家隊拳擊冠軍鄒市明,佢從一個大滾筒跌落不知幾深嘅海洋波波池裡面。咪以為波波池好係兒童遊樂場嗰啲咁淺,十幾秒後,呢位國家運動員依然掩沒喺堆波裡面,企唔番起身,此時台柱陳偉霆、蕭敬騰及主持華少等都驚出事,紛紛嗌救人。台前緊張,台後一班工作人員先意識到去營救。幾經辛苦終於將鄒市明拉出,「浮番上面」嘅鄒市明大嗌:「腿沒知覺了!」,要由五名工作人員夾手夾腳將佢抬番出嚟,真係執番條命。

姑勿論係真危險,還是營造氣氛,似乎呢個節目嘅遊戲,確係一種極級挑戰。除咗將人掩沒嘅波波池,仲有藝人要爬上70米高嘅高樓,再從高樓嘅鋼繩,高速滑向對面另一幢大廈平台,雖然做足安全措施,但充滿玩命嘅設計,唔跌死都嚇死啦!

藝人要化身超人一樣,去面對咁極級嘅體能挑戰,難怪陳偉霆都呻:「我覺得錄《追我吧》,那時候真的感覺是太難了,每一次回到酒店,收工時候都是凌晨六點,七點,我一直說我喜歡運動,但是沒有到這個地步,到凌晨到早上還是在跑,太難了。」,亦有內地藝人鍾楚曦稱,完成兩期拍攝,第三期便放棄,因為:「太累太累了......心臟真的會受不了,上次錄完緩了半個月,自己吃了三天速效救心丸,就堅決不去了。」

所以高以翔出事之後,唔少網友都炮轟浙江衛視,為求收視妄顧遊戲有多高危,高以翔嘅好友連凱亦狠批:「這個台有考慮我們的死活嗎?」甚至內地演員委員會都發聲明,呼籲藝人工作時「拒絕過勞」。

-----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址