• 【住近催淚彈重災區自保】豪宅難敵二噁英 黎諾懿帶兩歲囝囝入西貢避難
  • 2019-11-21    

 

昨日我哋見黎諾懿帶老婆李潔瑩(Nicole)、囝囝黎峰睿(小春雞)去西貢玩,佢哋明明住九龍,點解要山長水遠帶個仔去西貢放電呢?

翻查資料就知大鑊,佢哋住豪宅君頤峰,好近被催淚彈波及嘅伊利沙伯醫院。再行出啲就係被狂攻嘅佐敦,而佢哋屋企亦望到理工,嗰一帶成為示威者同警方開戰之地,日前警方喺理工放咗幾千個催淚彈。警方狂射催淚彈,二噁英同其他有毒物質嚴重污染環境。

近日兩歲半嘅小春雞停課,唔使返學,成日匿喺屋企都唔係辦法,黎諾懿趁唔使開工,就帶佢入西貢玩。

兩夫婦帶埋單車去踩,小春雞難得鬆一鬆。

黎諾懿一到西貢就幫襯雪糕,同個仔一人一啖,非常sweet。

小春雞食得好滋味,Nicole幫佢影相同拍video。

跟住仲去遊樂場玩,盡情放電。

喺未被催淚彈污染嘅西貢,可以放心畀小春雞周圍走。

咁都未夠喉,之後仲去買玩具槍,黎諾懿錫晒個仔呀!

之前同黎諾懿一齊拍《愛.回家》嘅徐榮,前日亦同老婆帶咗個女包包去西貢玩。

事關徐榮住天賦海灣,屋企遙對中大,唔多唔少都受到影響,為咗小朋友健康着想,唯有帶佢去遠啲玩啦!

包包今年四歲,又係幼稚園停課,徐榮特別帶佢行下海邊,吸下新鮮空氣,吹下海風。

之後就去遊樂場玩,包包可以大顯身手。

其實黎諾懿同徐榮唔止帶小朋友放電,簡直係避難,避開二噁英呀!

攝錄:陳亦龍

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址