• 【Steven兩年抱兩】囝囝得半歲 老婆雯雯暗示再懷孕 張致恒:我要減肥,否則抱唔到兩個!
  • 2019-11-19    

 

曾被揭一腳踏五船的藝人張致恒(Steven),如今仔都生埋有家室,同老婆雯雯經常網上放閃,又常分享同半歲囝囝天寶嘅生活趣事,為養家Steven亦放下藝人身段,早前被本刊發現在港島一間酒店做廚房雜工,晚飯自助餐時間,為份工更一腳踢走幾個食檔幫手,深夜放工返家又繼續湊仔,由昔日食家變住家男。

而昨日雯雯又po了一張Steven 抱住囝囝嘅相,發表感受指自己幾日冇胃口進食少,什麼也做不到,幸好老公照顧個仔仲要照顧自己,又感激老公遷就她的無理取鬧,並一句:「仲有幾個月..大家一齊努力堅持埋佢!」暗示有孕。她的朋友亦相當醒目,即時留言問:「有咗二胎?」、「二寶」、「天寶有細佬妹」。而Steven 最後亦回應老婆:「因為你又真係要好好減肥,如果唔係我抱唔到倆個啊,我愛係!」 兒子「天寶」才七個月大,如今疑極速有第二胎,兩年抱兩,睇嚟Steven 真係要打多幾份工賺錢養家了!

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址