• 【警察睇睇爛頭卒下場】何志平獄中被金主割席 賣樓胡慧中煲煙慳家度日
  • 2019-11-19    

 

香港警隊有祖國撐腰係威係勢,不過民政事務局前局長何志平,亦曾經受到阿爺祝福,佢依家喺美國坐緊監,阿爺無出聲要保佢喎。

佢個台灣息影藝人老婆胡慧中,之前已經賣咗層樓救老公,依家慳家過日子,心煩到當街煲煙呀!

何志平被控透過中國能源慈善基金董事名義,行賄非洲政要以進行「一帶一路」活動罪成,今年3月喺美國被判入獄3年同罰款40萬美金。佢申請上訴,最快今個月底開庭。上訴,即刻又要畀律師費啦!

佢曾經同朋友講,美方想利用佢打大老虎,同埋踩低「一帶一路」,要求中央政府介入協助,但至今阿爺無開過聲,公司亦不聞不問喎。

唯一得老婆胡慧中仆心仆命救佢,舊年已經低於市價大約140萬,急放尖沙嘴The Austin單位。

佢15年以802萬買入,舊年以830萬賣出,連埋佣金利息等使費,真係分分鐘要蝕,可見真係等錢用。

佢仲有一層自住嘅愛都大廈,市值8500萬,不過仲供緊。每個月有固定開支,而胡慧中已經冇做嘢好多年,加上老公嘅天文數字律師費,似乎有壓力。

就算何志平被美方踢爆,透過離岸公司喺瑞士開設信託基金約 560萬港幣,喺瑞士銀行戶口存有約值 940萬港幣,胡慧中仍然緊縮開支,行街齋睇唔買。

佢同女兒、朋友行經珠寶行,對鑽石耳環好有興趣。佢主要睇啲細細粒嘅碎鑽耳環,入去又揀又試,不過都係得個試字。

之後孖住個女去睇手機,都係得個睇字,絕對無亂使錢。

呢段時間唯一嘅安慰,係19歲獨女好乖,成日陪住媽咪,仲幫佢拎手袋。

不過老公周身蟻,胡慧中始終好心煩,懶理自己曾經係官太,當街煲煙解愁。

個女亦冇晒心機,冇乜表情咁搞手機。

以前胡慧中真係氣質美女,拍過唔少戲,keep下話唔定可以復出,唔使愁喎!

攝錄:吳斯金、李玄

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址