• 【烽煙四起單車逃生】因一個來電 為學生解鎖 LocoBike老闆哭訴:學生想走都冇得走
  • 2019-11-19    

 

上周香港中文大學抗爭者與警方發生衝突,雙方於校園內對峙,氣氛緊張。傍晚時份港鐵配合政府不停大學站,導致部份市民被困中大。與此同時,本地共享單車品牌LocoBike突然宣布「系統故障」,呼籲同學:「唔駛打上黎問,踩左先就得。快啲踩走唔該。」幫助被困學生及新界區居民。

系統故障救學生


黃店愈來愈多,但「連車帶命」奉上的卻不容易,LocoBike創辦人程俊豪(Ken)過去一直未知自己究竟可以做甚麼,直至接到一個電話。說到這裡,雄赳赳的他,突然痛哭起來。「有個學生打俾我地,話佢從中大踩單車逃到沙田,因為是借別人的帳戶開鎖,因此不懂得如何上鎖和付款。好彩有單車離開,不然自己也走不了。」

關於他哭泣,他叫記者不要著墨。但現在的社會,一幕幕令人痛心的畫面,哭,其實是正常的。待他收拾心情,訪問繼續,他說:「你見到呢啲畫面,我相信冇一個人係唔心痛。點解我哋會收到呢啲咁嘅電話?真係講佢哋冇得走,係想走都冇得走。一定要用啲咁嘅手段去處理班學生?」很多人以為學生收錢抗爭、搞事,事實上,他們應該可以就地放下單車而離去,卻要花時間打電話去給Ken付款。

LocoBike辦公室位於科學園,毗鄰二號橋,他親眼看到中大冒出黑煙。「當出咗個post30秒之後我哋見到有2000幾個share嘅話,我哋就知道中大嗰邊真係好多人需要單車去離開。」Ken稱公司所有同事都非常擔心中大情況,所有同事也留守公司負責接電話及回應網上查詢。另外,負責巡邏的職員也自發前往中大或附近地方,協助有需要用戶解鎖單車,直至翌日凌晨3時才陸續回家。「因為有啲訊號收唔到嘅地方,咁佢哋好多用戶打上黎問點樣可以開到鎖,我哋有後台程式,可以令到一啲收唔到訊號嘅單車都可以開到鎖。」

LocoBike的藍色單車過去幾個月,不時出現在示威區,除了當交通工具,也會被當路障。Ken笑言經常看到LocoBike單車上新聞:「我哋第三代嘅單車嘅成本係要$1300 ,咁我哋見到之前有好多攞嚟做為路障,或者係被損毁,其實我哋見到個心情都幾複雜。咁同時間亦都會好體諒佢哋,因為佢哋附近都真係冇其他物件可以幫助到佢哋,我哋都唔相信佢哋係專登要追住我哋啲單車黎丟。」

定位本地難覓投資者


共享單車曾在香港風靡一時,高峯期最多有六間共享單車同時競爭香港市場。回顧短短2年後只剩下LocoBike在香港繼續營運。Loco的意思,大概就是他們主打本土的生意,他與其他3位志同道合的朋友看到共享單車於其他地方興起,有意引入香港,過程當中對手gobee bike出現了。對方有銀彈,又衝出香港,相對他們只專一發展香港市場,未能吸引投資者注資,過去生意一直捱打。Ken更為此投入全部積蓄——7位數字的資金,為減低開支,一切大小事務Ken均上心地親力親為,例如維修單車或營運Facebook。

由於早期共享單車供應商欠缺妥善的管理,單車長期阻塞街道,甚至被拋進河裏,因此去年運輸署便與業內經營者簽定業務守則。受守則監管令營運成本大增,Ken透露當時業內充滿反對聲音,但他樂觀認為規管下可令共享單車可持續地在港發展。「我哋都係第一間同意簽署業務守則嘅公司。咁見到業務守則簽完之後,運輸署同地政可以做嘢,我相信係由高峰期嘅違法情況同埋黑點阻塞情況,應該跌咗九成。」

近年多間共享單車倒閉,LocoBike就默默跑出。至今活躍在街上行駛的單車約有5000部,受近日新界交通問題,每日使用LocoBike共享單車人次大約為一萬八千至二萬人。Ken表示現時系統仍未修復,縱然使用率高企但都未能收益,不過亦收到不少香港人「課金」支持,成為註冊用戶。

早前LocoBike完成 100 萬美元(約778萬港元)種子融資,Ken表示將會投放於發展發展玩樂預訂服務。透過LocoBike招聚用戶,推薦他們報興趣班或消閒活動,「希望提供比啲用戶香港人係假日有多啲選擇。雖然而家係呢個環境大家都冇乜心情去玩,但係希望之後有機會用到。」他又表示希望平台能覆蓋香港人不同需要,短期沒有考慮在其他地方發展。

抗爭者自發解救locobike


在中大的抗爭者比卡超表示因為交通不便,自己只能靠共享單車入中大增援。自己也是透過這次事件才認識這間公司:「我覺得係好貼心嘅一個行動。日後我相信大家都會多啲支持佢,課金比佢多啲。」另外,同樣留在中大的Johnathan稱看到有人將共享單車私下上鎖,因此特意花$80買剪鎖鉗,「因為佢哋架車唔係佢,鎖住架車係犯法,咁我哋咪執法囉。解救locobike!」

大埔區居民梁先生指感到很窩心:「咁如果真係好坦白講句,你嗰個系統又會故障得咁巧合嘅時候,即係不如你就好大方啦,大家都可以用,係香港人有問題嘅時候你又挺身而出,行一步大家幫幫手。唔係講政治,順粹係想方便返香港人,我覺得係一件好有良心嘅事。」

撰文:葉嘉兒

攝錄:林志謙

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址