• 【時代變?】《假設性無罪》羅沛琪首次拍劇演情婦 搞人老公反受歡迎
  • 2019-10-24    

 

ViuTV《假設性無罪》中,梁漢文同老婆董敏莉行返埋,但心底又緊張王敏奕,遇到煩惱又好想搵「John」亦即係Shirley(羅沛琪飾)傾下,好矛盾。講起Shirley,自從同梁漢文結束偷情關係後少咗出場,唔少觀眾都話掛住佢,仲覺得其實梁漢文同Shirley喺埋一齊先係最合適、最高CP值。

坦白講,羅沛琪飾演嘅Shirley搞好姊妹老公,在情在理都唔係個討好角色,照計會被以「狐狸精」、「小三」等語言鬧到飛起。偏偏,播出後Shirley一角反而得到唔少觀眾喜愛,連帶羅沛琪備受關注,呢點亦係佢始料未及。

究其原因,角色設定係關鍵。如果只係單純勾人老公淫婦,羅沛琪盡情發姣嗲梁漢文,兼設局拆散佢頭家,再以勝利者囂張嘴臉揶揄董敏莉,結果一定係被鬧爆,但咁樣無咩特別。實情係,Shirley並非司空見慣嘅狐狸精咁簡單,佢剝衫乾柴烈火激烈完後,就要化身冷靜理性嘅心理輔導員分擔梁漢文煩惱,之後著返衫同姊妹董敏莉high tea聽心事畀意見。Shirley夾喺佢哋兩公婆之間,虛偽得嚟又振振有詞,所以內心戲、表情戲、動作戲、語氣都要隨時切換拿捏準確而且缺一不可,但羅沛琪handle到,到位演技配合埋散發出嘅型格知性美,觀眾一致畀like,甚至同情Shirley呢位同樣受寂寞煎熬嘅有夫之婦。

Shirley一角挑戰性咁大,證明羅沛琪係演得之人,點解之前唔覺佢有咩代表作嘅?原來,《假》劇係佢首次劇集演出,認真睇唔出!自言唔係典型靚女嘅佢,收到劇本前以為只係客串甲乙丙,就算好彩有對白都應該只係「哦」、「喔」、「噢」呢類,點知Shirley咁複雜令佢喜出望外,難怪要事前掟5位數出嚟進修演技。

羅沛琪首次拍劇已經大受好評,相信日後有更多劇集等緊佢。不過,若果角色唔似Shirley咁複雜咁有發揮的話,落差隨時令人失望都唔定。

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情: https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料: https://t.me/nextmaghk

最新消息: https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情: https://s.nextmag.hk/e/Tssefy687Z