• 【入無綫受白眼】最討厭爭嘢做 苑瓊丹不滿薛家燕遲到鬧大交|娛樂經典
  • 2019-09-29    

 

苑瓊丹95年加入無綫,雖然在周星馳的電影已闖出名堂,但初來步到的她,受過不少白眼。不過,苑仔自有方法對付,即使面對薛家燕都一樣挑機。有指兩人拍《皆大歡喜》時鬧大交,兩人恩怨直至09年,仍未見化解。

苑仔在亞視和無綫都做過,當年她初入無綫,化妝間髮型師求求其其幫她梳頭,她忍不住表示髮型不連戲;怎料對方竟然用把梳拍枱鬧苑仔:「呢度唔係亞視。」化妝間內所有人正等食花生之際,苑仔沉住氣拿起把梳說她會自己梳,梳好後離開化妝間,令化妝間的人驚訝不已。自此苑仔自己化妝,後來連一些古妝頭都可以自己梳,甚至買假髮做造型去拍戲。

苑仔曾感歎在無綫工作時發生過多事,有人覺得你太搶戲,就會莫名其妙地找人搞你。在無綫工作這些年,苑仔都惹不少是非。有傳03年跟薛家燕合作拍《皆大歡喜》時鬧大交,當時薛家燕周身唔得間,工作排滿,經常要度期拍劇,變相影響同劇演員。有次薛家燕遲到兩分鐘,惹來已等得不耐煩的苑仔不滿,並在化妝間大罵。家燕姐堅持沒有遲到,更反斥苑仔「冇家教」。之後兩人均否認不和傳聞,還攬頭攬頸合照。苑仔認跟薛家燕有爭執,但絕對無不和。不過之後一場食月餅戲份,當中月餅是薛家燕代言,又有傳苑仔拒食,令不和傳聞再起。

09年,苑仔在電台爆「魔術鹹豬手事件」,當時薛家燕回應時表示苑仔要收口,因而再次炒起不和傳聞。

苑仔自09年開始,跟無綫請假返大陸拍戲,13年約滿無綫。講起離開無綫原因,除咗佢本身想返內地發展,最主要是因為有人為咗爭嘢而中傷佢。苑仔話:「點解我離開,咪就係做得唔開心,當有競爭嘅時候,大家就好鍾意爭,我係一個好憎爭嘢嘅人,發現有人爭嘢做,喺背後做啲手腳,中傷你又好玩你又好,古靈精怪乜都出齊,我好討厭。」

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z