• 【魏駿傑重慶嫩妻】賣過珠寶 出征鐵人賽攞獎 張利華:我唔想同社會脫節
  • 2019-09-19    

 

常說,魏駿傑家有嫩妻。

現年三十歲的張利華,來自重慶,比老公魏駿傑年輕廿年。當年兩人一起,有指張利華才廿歲出頭。廿二歲就當媽媽,對好動外向的她而言,似乎來得太早。

成為魏駿傑另一半後,來港定居的張利華,最初擔當老公內地工作事務。魏駿傑北上登台搵錢養家,打理家庭責任落在嫩妻身上,但不甘做家庭主婦的張利華,三年前求獨立開展自己的事業,搞過時裝網購,且因身形高挑,充當埋模特兒,為自己網站做生招牌。

百足咁多爪,好快她由賣衫轉為珠寶首飾中介人,不過兩瓣事業都維持不久。直至數月前,成為上班族任職保險經紀,跟前影星,現被喻為保險界天后的王玉環下屬,更揚言:「我想學多啲嘢,好想充實自己,因為一向都唔係想做家庭主婦,唔想自己同呢個社會脫節。」

性格坐唔定,早年已為人母的張利華專注運動,上山下海皆能的她,除一早考獲健身教練牌,踩單車更令她贏過獎項,並出征台灣國際賽再戰。

15年張利華參加陸上兩項鐵人賽贏得冠軍。
佢同魏駿傑結婚九年,幾年前婚姻傳出危機。
身材高挑嘅佢,幾年前搞時裝網購,不時自己做model生招牌。
有運動細胞嘅佢,試過喺外地踩單車環島遊。

9月2日起升級條件將更新 繼續每月撐壹仔 講真心話撐住我香港!