• 【38歲生日老公繼續冇影】陳自瑤自勉:當你有勇氣跨出第一步

  • 發布日期:2019-08-27 17:53
  • 【38歲生日老公繼續冇影】陳自瑤自勉:當你有勇氣跨出第一步

 

今日係人妻YoYo(陳自瑤)37歲生日,壽星女喺網上放上一張手執太陽花嘅相,寫上:「有些事情你覺得很難,但當你有勇氣跨出第一步的時候,你會發現其實並沒有你想像中那麼難,回頭再看,你會很欣賞自己當初的那份勇氣,然而,你會發現,你再也不是當初的那個你。」

首先,YoYo生日出post,留言俾佢嘅係密友黃翠如,沈卓盈及其他朋友、粉絲等,老公王浩信呢?如去年一樣,無影。

加上呢兩年兩公婆都各自消失喺對方ig,甚至YoYo帶女兒去旅行,都係無預王浩信,所以呢對夫妻喺外界眼中,仿如有名無實。

至於今日YoYo給自己一番自勉說話中,所指嘅有些事情覺得很難,但有勇氣跨出第一步,就唔係想像中咁難,到底係咪指過去兩年如冰封嘅婚姻狀態有變化?到底係踏出破冰一步,還是決定離婚,就真係只係佢先知。不過對住不懂珍惜自己嘅人,最好嘅回應方法,就係活得比你好。呢一點,37歲越來越靚嘅YoYo,確實做得到。

自從幾年前,王浩信事業見起色,同時亦附帶唔少偷食傳聞,如跟蔡思貝及江嘉文,令佢同YoYo嘅婚姻亮起紅燈。雖然兩位當事人一直否認婚變,但兩年前夫婦一同現身活動為婚姻解畫,表面平靜,實質貌合神離嘅「經典」場面之後,佢兩個就冇再合體出席公開活動。

9月2日起升級條件將更新 繼續每月撐壹仔 講真心話撐住我香港!

9月2日起升級條件將更新 繼續每月撐壹仔 講真心話撐住我香港!