• 【二度現身撐警集會】拖埋老婆 鍾鎮濤台上呼籲:無國唔會有家

  • 發布日期:2019-08-17 19:11
  • 【二度現身撐警集會】拖埋老婆 鍾鎮濤台上呼籲:無國唔會有家

 

六月底時,阿B鍾鎮濤連同溫拿老友阿倫(譚詠麟),及梁家輝出席撐警會,席間佢仲話年輕人九唔搭八。

今日8.17佢再現身,無咗阿倫同梁家輝,亦唔見喊到聲嘶力竭嘅肥媽。阿B身旁有老婆范姜陪住,齊齊上台呼籲:「好開心,今日見到好多都沉默嘅一群,嚟支持反暴力救香港,要畀啲掌聲。」

支持警隊嘅佢續說:「暴力係冇用嘅,如果唔係學校都唔使取消體罰啦,呢樣嘢會有不良後果,好可能令大家冇得撈,香港係我哋土生土長嘅地方,冇人有權破壞。冇國唔會有家,冇家唔會有我。」

之後大叫口號:「希望大家支持中國,支持香港,救香港。」

7.21同8.11,元朗及北角、荃灣有白衣人、藍衣人對市民行駛緊暴力,個多月嚟唔少市民亦飽受過期催淚彈放題式破壞!唔知阿B口中嘅破壞同暴力,包唔包括呢啲?

 上次帶埋個女去撐警,今次帶老婆范姜。
上次帶埋個女去撐警,今次帶老婆范姜。
 呢啲集會,當然唔少建制派議員,其中有「元秋」蔣議員。
呢啲集會,當然唔少建制派議員,其中有「元秋」蔣議員。
 六月時,阿B同阿倫齊齊撐警。點解次次撐警都有風有雨!
六月時,阿B同阿倫齊齊撐警。點解次次撐警都有風有雨!
9月2日起升級條件將更新 繼續每月撐壹仔 講真心話撐住我香港!

9月2日起升級條件將更新 繼續每月撐壹仔 講真心話撐住我香港!