• 【親生子女關係疏離】 與劉德華情如母子 葉德嫻預告死後唔使仔女送終|娛樂經典
  • 2019-08-17    

 


離婚後的葉德嫻,一直獨居。在個唱上演繹她的首本作《赤子》,六場演唱會就哭足六場。《赤子》這首歌講親情雖近亦遠,道盡她對一對子女的心情;至親又卻關係疏離。

葉德嫻曾說:「我唔係一個好媽媽,有啲人根本唔適合有下一代。我對仔女自細出外讀書,同我好生疏。佢哋細個時我要唱歌,冇辦法同佢哋一齊。依家唔使奔波,但仔女都已長大,唔會長留喺自己身邊。」她的一對子女目前已四十多歲,定居美加,葉德嫻跟他們幾年才見一次。

雖然關係疏離,但不見得不關心子女的成長。葉德嫻曾經是「煙剷」,一日起碼四包煙,直到發現當年只有十六歲的兒子偷偷偷抽煙,她決心戒煙,不想做子女的壞榜樣。她說:「「我估佢仍然有食,但我唔會問。我都同仔女講,就算將來我有乜事都唔使驚,喊一陣好啦,唔使返嚟送我一程,萬事從簡。」話雖如此,多年前她傳出子宫生瘤,兒子Derek曾回來探她;可見母子感情仍然親密。

跟子女關係疏離,但葉德嫻跟劉德華卻情同母子。華仔形容葉德嫻是他「最錫嘅女人」,葉德嫻又叫華仔生個孫給她玩。二人的母子緣在80年代初開始,拍攝電視劇《獵鷹》,葉德嫻在劇中飾演華仔的母親。之後在《法外情》電影系列中,飾演律師的華仔,為飾演妓女的葉德嫻打官司,從而發現二人的母子關係。多次合作,建立母子一般的情誼,華仔在公眾場合不時稱呼葉德嫻為媽媽或媽打。05年華仔自薦做葉德嫻演唱會嘉賓,就算是廁所位也不介意,但葉德嫻不想華仔辛苦,故不讓他做嘉賓;反而華仔年前開跨年演唱會,葉德嫻任嘉賓撐足20場,錫到華仔燶。

9月2日起升級條件將更新 繼續每月撐壹仔 講真心話撐住我香港!