• 【細龍太美國凱旋回歸】陳偉琪爭氣砌低各地對手贏冠軍
  • 2019-07-25    

 

今個月初,「細龍太」陳偉琪去咗美國,出戰喺洛杉磯嘅《WCOPA》嘅世界表演藝術錦標賽,同世界各地選手火拚十幾日之後,日前終於凱旋回歸。

出賽中,「細龍太」一口氣參賽幾項,包括演技﹑模特兒﹑彈奏及自彈自唱。結果各項喺決賽中都分別攞到金﹑銀及銅獎。彈得一手好豎琴嘅佢,憑呢個樂器表演入到最後十強,贏得組別冠軍, 真係恭喜晒!咁威威,開心嘅除咗當事人,陳偉琪嘅媽咪亦有嚟接機,賀個女凱旋回歸。`1

壹仔去接機,恭喜嬴獎嘅「細龍太」陳偉琪,佢興奮咁話:「今次攞咗八個獎項。彈豎琴呢部份入到final,已有一個獎,再加那個級別嘅大獎,其實每一個項目我都攞到獎。今次比賽成績當然開心,加上今次學到很多新事物,喺表演過程中得益不少,我彈到手指也起了繭。

不過幾辛苦都值得啦!」

比賽完,佢亦準備歸隊《愛.回家》,唔知《愛.回家》上下會點樣同佢慶祝呢﹖話唔定安排「細龍太」生個龍B,賀一賀。

7月15日起 《壹週刊》只限升級壹會員閱覽
期待你繼續支持,讓我們與香港人一起撐下去!

詳情 http://bit.ly/2YBCug0