• 【揸億半磚頭】張曼玉街檔掃39蚊平Bra 老闆娘爆:佢一買就半打
  • 2019-05-27    

 

張曼玉一向以品味見稱,乜嘢大brand未着過吖!但依家就反璞歸真,喺街檔掃Bra,睇中39蚊嘅肉色bra。老闆娘仲話佢係常客,每次會買多幾個,有時一買就半打,有排着呀!

雖然當日戴口罩兼包到冚,但張曼玉嘅星味,隔住個mon都聞到。佢一落車,就行去鞋檔。佢似乎喺度買慣買熟,不停喺檔口出出入入睇鞋。

佢本身已經買咗一對鞋,但之後再掃多兩對。呢檔嘅鞋最平19蚊有交易,一般都係幾十蚊貨色,好抵買。

之後佢一個箭步走去睇內衣,專揀淺色bra。其中對冇鋼線嘅肉色薄bra最有興趣,然後再揀背心型bra,最後連褲都想掃,揀得非常投入。

張曼玉話自己有一個好奇怪嘅習慣,就係會將衣服嘅招牌全部剪去,因為佢唔想知道自己着緊乜嘢品牌,對佢嚟講,嗰啲衫係屬於張曼玉嘅,係佢生活嘅一部分,仲話要對着喺自己身上嘅衣服有感覺,而唔係只買名牌。佢覺得只要着得好睇就係有品味,其他嘢並唔重要。

近年張曼玉專心享受人生,事關佢一早已經唔使憂,手上有價值大約1.5億嘅物業,包括5個市值合共9千幾萬嘅藍灣半島單位,其中4個單位仲係一炮過買入,冇做按揭嘅。

另外,佢仲有早年買入嘅南灣嘉麟閣豪宅,依家市值大約6千萬。

佢仲同張叔平夾份投資工廈,喺財政方面幾有計劃。

同買衫一樣,張曼玉喺居住方面都好平實,唔住南灣,寧願住小西灣,真係估佢唔到呀!



【當年今日】尋找消失的仙氣 張曼玉泳裝全面睇

http://bit.ly/2R5iLkT

【獨家〡皮包骨紋身Look】54歲張曼玉雙手刺青 過億身家唔住南灣住小西灣

http://bit.ly/2OZFSeL

【前度宋學祺搞地產】梁家輝信好友投資千萬血本無歸 張曼玉代舊愛分期「還債」

http://bit.ly/2R7BZGu

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!