• 【踎TVB十五年終於擔正】佬味張達倫咖啡店笑騎騎 回味男主角光環?

  • 發布日期:2019-04-28 16:00

 

雖然《愛•回家之開心速遞》收視成績理想,但有無人都覺得,以馬家為首嘅第一輯,先係真正嘅《愛•回家》?日前黎諾懿喺IG post出一眾《愛•回家》演員聚餐合照,問:「大家掛住我哋嗎?」令唔少網民都話:「你哋先係真正嘅《愛•回家》,不如得閒客串下《開心速遞》啦。」

黎諾懿個post特別提及「查理斯律師樓」,但靈魂人物查生(黃子雄飾)無現身,好彩仲有嚴謹(張達倫飾)。嚴謹呢個角色,可以話係張達倫嘅代表作,儘管佢喺《大帥哥》嘅演出都好搶眼,但只記得佢演軍閥,名就無乜印象,唔似得嚴謹咁入心。不過,相信大家好快會記得張達倫一個新角色,因為入行約15年嘅佢,終於升上主角之列,早前以第二男主角身份拍攝新劇《好日子》。

張達倫話過自己嘅演員路並唔係一帆風順,有過唔少考慮退出、轉行嘅時候,但佢感激自己低潮時,一直有屋企人撐佢,令佢明白「男人要有經歷,要跌跌碰碰過,先會有更多感受」。用咗15年喺TVB歷練,而家有兒有女嘅張達倫,留咗一臉落腮鬍,睇落更踏實、更有佬味。佢早前現身一間coffee shop,坐低玩下電話hea時間,期間不時笑瞇瞇,冧樣出晒嚟,斷估唔係睇緊仔女啲得意相,就係回味緊做男主角嘅時光。

「壹起出手,撐新聞自由!」
立即免費訂閱《壹週刊》

「壹起出手,撐新聞自由!」
立即免費訂閱《壹週刊》

登記成為壹會員,睇盡獨家內容,會員活動!

http://bit.ly/NextSubscrition30

【逐步教學】立即登記訂閱《壹週刊》! 免費無阻睇盡全部精彩內容

http://bit.ly/2WYFZvA