• 【網民力讚做得好】演「細龍太Jenny」水性楊花 陳偉琪同大隻男友Billy拍拖兩年
  • 2019-01-21    

 

陳偉琪喺《愛回家之開心速遞》入面做細龍太雷珍妮,個角色喺戲中就人見人憎,但陳偉琪演繹個角色做夠晒盞鬼,所以網民都好鍾意有雷珍妮出現嘅戲份。Jenny同阿Max只係政治婚姻,所以Jenny不斷偷食,見仔就溝,細龍生頭上勁多頂綠帽。戲中就水性楊花,但現實生活陳偉琪就好專一嘅,同健身教練Billy 2016年一齊到而家,兩個成日都出雙入對。呢日《壹》仔又見到兩個去超市入貨。陳偉琪嘅衣著一向走火辣性感路線,呢日佢又著上超貼身運動裝。其實佢嘅身形似鬼妹,有肌肉又有啲肉地,加埋36E巨咪,所以睇落感覺有啲肥。

入到超市兩人分頭行事,Vicky行去買火腿,見佢不斷同個員工傾偈,臨走仲拍一拍人膊頭,睇嚟係熟客仔。買完就會合返男友,Billy話想食日式火鍋,兩個就開始買材料,買咩兩人都有商有量,絕對唔似細龍太咁霸道。男友買緊嘢,陳偉琪就拎返盒火腿出嚟食,好為食喎,不過盒火腿未俾錢就拎出嚟唔係咁好喎。買齊晒野,兩個今晚又一齊撐枱腳啦。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app