• 【搬入千萬豪宅買平民傢俱】黎諾懿恨再做老豆 靠偏方追女
  • 2018-12-20    

 

大台生金蛋嘅黎諾懿,同家底億億聲嘅老婆Nicole,呢日發現佢走去平民傢私店入貨,夠晒貼地喎!

買家品,因為舉家遷徙囉!做唔成視帝唔Care,有傳佢最恨嘅係再做老豆,仲因為咁搬定大屋等BB再來,睇嚟佢對自己好有信心,一擊即中喎!

早排頒獎禮,胡杏兒爆咗黎諾懿,為追個女發緊力造人,據知佢哋為咗呢個生育大計,搬去幾千萬嘅何文田大單位,同外父外母做鄰居。住豪宅,添置家品卻揀平民嘢。幾十蚊個膠兜抑或毛巾,兩公婆都睇得好開心,呢位煮藝了得嘅暖爸,睇廚具當然唔少得。

雖然兩公婆好想追個女,但生B呢家嘢,唔係話買大就開大。坊間有啲生育偏方,就話多食紅肉,生女機會高喎!

倒一倒帶先!兩公婆睇家品前,走咗去醫肚,佢哋齊齊鋸扒,唔通按照緊生女偏方﹖