• 【俾杜德偉狠飛】節食氣功洗腸乜都試齊 吳君如減肥血涙史(足本版)
  • 2018-10-07    

 

高峰期140 磅!吳君如足足用咗十年時間變索啲!而家keep 住維持105磅標準。「減肥達人」呢個名,睇怕君如都當之無愧啦!

虎背、熊腰、大籮柚、象腿,呢啲全部都出現過喺君如身上。拍親戲都幾乎用硬醜角走唔甩! 不過本身肥底嘅君如就唔認命喇!加上當年俾杜德偉狠撇,搞到君如下定決心搣走脂肪變索啲!

咁多年君如用盡所有方法減磅,試過食醫生開嘅減肥藥,搞到反胃兼作嘔,冇覺好訓。又試過跟減肥餐單,剩係飲橙汁、餐餐食雞肉、恰菜,完全戒甜品。再配合埋做運動,日日跑樓梯,跑足半粒鐘,一個月後成功減走十五磅,君如都話呢招最work!佢仲話試過最唔make sense 嘅減肥法,係日日唔俾自己訓多過三粒鐘,驚訓得多好似豬咁肥。其餘仲有做氣功、洗腸通便,真係講得出嘅方法佢都試匀!

幾經辛苦終於由肥妹變靚女,仲出埋「減肥血涙史」鼓勵一班肥妹仔,當年新書仲一度賣斷市架!睇返而家嘅君如,生埋個女,五十有三都仲keep 住窈窕,就知佢下過唔少苦功啦!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app