• 【真愛港女未絕種】《開心速遞》秦博思人生低潮冇錢剩 拖實女友:不離不棄一齊捱(足本版)
  • 2018-09-08    

 

在《開心速遞》中,秦博思和Mandy是一對,二人更一起在外搵真銀,好襯呀!

但現實中,秦博思已經有感情穩定的圈外女友,陪他走過人生低潮,他tag了女友Queenie Kwok,留言話:「天陰或天晴,有一對我們,不離亦不棄。」Sweet爆呀!

飾演秦博思的大台藝員馬貫東,其實已經入行11年,近年拍處境劇,開始為人認識。之前事業未有起色,他曾經問媽媽借錢,跟朋友一齊開快餐店,希望謀定後路。可惜經營年幾,已經蝕了接近六位數,蝕到怕,唯有壯士斷臂離場。

現在成為大台親生仔,收入比較穩定,但他仍然好慳家,跟女友拍拖齋睇唔買。

雖然有途人認出,但他們完全沒避忌。秦博思拿手機時,都捉住女友手,好肉緊!乘電梯時,身貼身、胸頂胸變連體嬰,秦博思又攬腰又拖手,如入無人之景境。

雖然好錫女友,但秦博思話自己不時整蠱女友,會激到對方問他玩夠沒有。他說有將真實拍拖經驗,用於跟Mandy的談情戲。雖然不少觀眾想他跟Mandy拍劇變拍拖,但他早已向女友派定心丸啦!

攝錄:蕭敬漁

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app