• 【狠飛陳家樂惹眾怒】余香凝現身:不涉第三者,財政獨立冇用佢錢

  • 發布日期:2018-06-14 18:00

 

余香凝疑貪新棄舊狠飛人氣急升嘅「冷凍人」陳家樂,隨即成為眾矢之的、圍剿對象,網民更不時請嚟鷲哥講出《巨輪II》嘅經典對白痛罵女方,今日真係辛苦晒鷲哥喇。

相信今日係余香凝最多人關注嘅一日,平時佢個IG留言量最多兩位數,今日轆極都仲有,「載入更多留言」一直有得撳。當然啦,留言內容十有八、九都係鬧鬼佢,更幾乎每句都涉及不雅用字,以及家禽名詞:「估唔到你係咁嘅人」、「枉我仲以為你形象正面,又運動又陽光」、「唔係家樂都唔x知你乜水」、「好失望」、「我哋快啲一齊鬧」。嘩,真係好群情洶湧,唔係講笑架!

雖然知大家好錫「爺爺」陳家樂,好替佢不值,但再嘈落去可能只令陳家樂更難過,希望平息一下怒火啦。

另外,今日余香凝現身回覆傳媒澄三點:
一,兩人分手一個月,係有共識分手,因意見不合,冇法達成共識;
二,兩人財政獨立,無用男方錢;
三,不涉及第三者。