• 《風林火山》拍攝長達8個月 Juno:似一個孕育過程

  • 發布日期:2018-03-27 15:38

 

麥浚龍執導嘅電影《風林火山》,五個主角包括古天樂、金城武、梁家輝、劉青雲同高圓圓拍咗8個月,終於全部煞科,電影進入後期製作階段。

《風》所到嘅拍攝地點橫跨內地、香港同國外,劇組經歷過三十幾度嘅高溫到零下廿幾度低溫嘅考驗,溫差接近六十度;由城市拍到雪山,再由炎夏拍到寒冬,無論係大場面,定係小細節,都務求做到盡善盡美。

而喺啱啱結束嘅一年一度香港國際影視展(Flimart)上,Juno表示:「呢部電影嘅創作同拍攝製作過程,更似係一個『孕育』嘅過程,並唔係流水式嘅生產。喺創作同拍攝嘅過程中,我對自己要求特別嚴格,因為最大嘅敵人就係自己。幸好團隊同我一樣投入,大家曾試過為咗要拍到一場真正嘅雪景,一齊等待多個鐘。」

今次嘅幕後特輯,會見到喺片場拍攝嘅細節同埋各個主演嘅煞科時刻。雖然得短短幾分鍾,但已經感到好震撼。