• 【同黃翠如爭仔】太陽娛樂打女楊柳青怒踢黃宗澤
  • 2017-06-26    

 

太陽娛樂新人楊柳青腿功了得,更樣靚身材正。之前她與黃宗澤拍《溏心3》,與翠如BB爭仔。黃宗澤在劇中,有不少靚女埋身,楊柳青由於身手好,戲份比其他女仔多,與翠如BB有不少對手戲,並非只是行行企企。
做得打女,日日操體能是常識吧,又打埋泰拳,練到有腹肌,Paco都力捧。楊柳青不但識打,又識做生意,之前她與Freeze成員Alley(陳樂榣),曾經一齊在長沙灣開實體店。之後Alley在銅鑼灣開Wow Fashion,賣飾物及化妝品,楊柳青都來幫襯買唇膏,Alley更幫對方搽添,兩個女仔好好傾。